கோலிவுட்டில் மிகவும் தவிர்க்கமுடியாத இயக்குனராக வலம் வந்து கொண்டிருப்பவர் தான் கௌதம் வாசுதேவ் மேனன். இவருடைய படங்கள் அனைத்தும் தற்போதும் ரசிகர்களால் பாராட்டப்பட்டு வருகிறது. அவருக்கு மிகப்பெரிய மைல்கல்லாக அமைந்த திரைப்படம் என்றால் அது விண்ணை தாண்டி வருவாயா திரைப்படம் தான். தற்போது வரை இந்த படத்தை ரசிகர்கள் கொண்டாடி வருகின்றனர்.
இத்தகைய சூழலில் மலையாள திரைப்படமான நாயட்டு திரைப் படத்தின் தமிழ் ரீமேக்கை கௌதம் வாசுதேவ் மேனன் இயக்க இருப்பதாக தெரிவிக்கப்படுகிறது. இது மலையாளத்தில் மிகவும் ஹிட்டான திரைப்படமாகும். தற்செயலாக நடைபெறும் குற்றம் ஒன்றின் காரணகர்த்தாக்களை காவல்துறையினர் தேடுவதாக கதை அமைக்கப்பட்டிருக்கும்.
இந்த படம் தியேட்டரில் ஒளிபரப்பு செய்யப்பட்டுக்கொண்டிருந்த பொழுதே, கொரோனா அதிகமாகி தியேட்டர்கள் திடீரென்று மூடப்பட்டது. பின்னர் இந்த திரைப்படம் நெட்பிளிக்ஸில் வெளியாகியது.
இந்தியா முழுவதும் நாயட்டு, திரைப் படத்திற்கு நல்ல வரவேற்பு கிடைத்தது. மேலும், இந்த படத்தின் இந்தி ரீமேக்கில் அதிக போட்டி நிலவியது. இந்த நிலையில், தமிழ் ரீமேக்கை கௌதம் வாசுதேவ் மேனன் இயக்க இருப்பதாக கூறப்பட்டது, கோலிவுட் சினிமாவினருக்கு ஆச்சர்யத்தை கொடுத்துள்ளது.இந்த படத்தில் தற்போது நடிகை அஞ்சலி நிமிஷாவின் கதாபாத்திரத்தில் நடிக்க போவதாக கூறப்படுகிறது.
