தமிழகம்

ஆண்டிபட்டி தாலுகா எம். சுப்பலாபுரம் அருகே மனநலம் பாதித்த நிலையில் சுற்றி திரிந்த வாலிபரை மீட்டு பெரியகுளம் அரசு தலைமை மனநல மருத்துவமனையில் சிகிச்சைக்கு சேர்க்கப்பட்டுள்ளார். நேற்று மாலை எம்.சுப்புலாபுரம் அருகே மனநலம் பாதித்த நிலையில் வாலிபர் ஒருவர் சுற்றி திரிந்தார். எம்.சுப்புலாபுரம் அரசு ஆரம்ப சுகாதார நிலைய மருந்தாளுநர் என்.ரஞ்சித் குமார் அவர் குறித்து விசாரித்த போது தாயை இழந்து ஆதரவற்ற நிலையில் சுற்றி திரிந்ததும் அவர் பெயர் கல்வேந்திரன் 30, என்பதும் தெரிய வந்துள்ளது. க. விலக்கு போலீசார் உதவியுடன் அவரை மீட்டு சுத்தம் செய்து பெரியகுளம் அரசு தலைமை மனநல மருத்துவமனையில் சிகிச்சைக்கு சேர்த்தனர். மனநலம் பாதித்து சுற்றித்திரிந்த வாலிபரை மீட்டு பாதுகாப்பாக மருத்துவ மனையில் சேர்த்த நிகழ்வை அப்பகுதி மக்கள் பாராட்டி உள்ளனர். செய்தியாளர். A. சாதிக்பாட்சா, தேனி மாவட்டம்...

வேலூர் மாவட்டம் மற்றும் மாநகர் இந்துசமய அறநிலையத்துறை ஒருங்கிணைந்த இணைஆணையர் மற்றும் உதவி ஆணையர் அலுவலகம் ரூ 2.96 கோடியில் கட்டும் பணியை தமிழக முதல்வர் மு.க.ஸ்டாலின், தலைமை செயலகத்திலிருந்து காணொலி மூலம் துவக்கிவைத்தார். வேலூர் ஊரீசு கல்லூரி எதிரில் உள்ள இந்து அறநிலையத்துறையின் சொந்த இடத்தில் இந்த விழா நடந்தது.  குத்து விளக்கு ஏற்றிவிழா துவக்கிவைக்கப்பட்டது.  இதில் வேலூர் எம்.பி.கதிர் ஆனந்த், வேலூர் ஆட்சியர் குமாரவேல்பாண்டியன், வேலூர் சட்டமன்ற உறுப்பினர் கார்த்திகேயன், அணைக்கட்டு எம்எல்ஏ நந்தகுமார், இந்து அறநிலையத்துறை இணை ஆணையர், மேயர் சுஜாதா, கோட்டாட்சியர் பூங்கொடி, மாவட்ட ஊராட்சிக்குழு தலைவர் மு.பாபு, மாவட்ட அறங்காவலர் குழுத் தலைவர் நா. அசோகன இந்து் அறநிலையத்துறை அலுவலர்கள், ஊழியர்கள், அறங்காவல் குழுவினர், அரசு அதிகாரிகள் உள்ளிட்ட பலர் கலந்து கொண்டனர். செய்தியாளர் : கே.எம். வாரியார், வேலூர்...