தமிழகம்

விருதுநகர் மாவட்டம் ராஜபாளையம் மதுரை சாலையில் இந்து சமய அறநிலையத் துறைக்கு சொந்தமான பெத்தவநல்லூர் அருள்மிகு மாயூரநாதர் சுவாமி திருக்கோயில் அமைந்துள்ளது. ஆவரம்பட்டி, மலையடிப்பட்டி, தென்காசி சாலை உள்ளிட்ட பல்வேறு பகுதிகளில் இக் கோயிலுக்கு சொந்தமாக வணிக வளாகம், கட்டடம், குடியிருப்புகள் மற்றும் காலி மனை உள்ளது. இந்த இடங்களை 3 வருடங்களுக்கு வாடகைக்கு விடுவதற்கான ஏலம் இன்று காலை 12 மணிக்கு மேல் நடைபெற்றது. இன்று காலை டெண்டர் மனுவும், வாடகைக்கான வரைவோலையையும் இணைத்து அதிமுக தரப்பினர் மூடப்பட்ட டெண்டர் பெட்டியில் போட்டு விட்டனர். அந்த சமயம் வந்த திமுகவினர் ஏலம் நடைபெறுவது குறித்து, நகரின் முக்கிய வீதிகளில் முறையான அறிவிப்பு பலகை வைக்கப்படவில்லை எனவும், ஆட்டோ உள்ளிட்டவைகள் மூலம் விளம்பரம் செய்யப் படவில்லை எனவும் புகார் தெரிவித்தனர். இதனால் ஏலத்தில் சலசலப்பு ஏற்பட்டது. இதனை...