விம்பிள்டன் டென்னிஸ்: 4வது சுற்றுக்கு முன்னேறிய ஜோகோவிச்

விம்பிள்டன் டென்னிஸ் தொடரில், அமெரிக்க வீரரை வீழ்த்தி நட்சத்திர வீரர் ஜோகோவிச் 4வது சுற்றுக்கு முன்னேறியுள்ளார்.

கிராண்ட்லாம் பட்டங்களில் ஒன்றான விம்பிள்டன் டென்னிஸ் தொடர் லண்டன் நகரில் நடைபெற்று வருகிறது. இதன் மூன்றாம் சுற்று போட்டியில், செர்பியாவைச் சேர்ந்த உலகின் நம்பர் ஒன் நட்சத்திர வீரர் ஜோகோவிச்சும், அமெரிக்க வீரர் டெனிஸ் குட்லாவும் மோதிக் கொண்டனர். விறுவிறுப்பாக நடைபெற்ற போட்டியில், 6க்கு 4, 6க்கு 3 மற்றும் 7க்கு 6 என்ற நேர் செட் கணக்கில் டெனிஸ் குட்லாவை வீழ்த்தி ஜோகோவிச் வெற்றிபெற்றார்.

இந்த வெற்றியின் மூலம், ஜோகோவிச் 4வது சுற்றுக்கு முன்னேறியுள்ளார். நாளை மறுநாள் நடைபெறும் போட்டியில், சிலே வீரர் கிறிஸ்டியன் கேரினுடன் அவர் மோதுகிறார். இந்த போட்டியில் வெற்றிபெறும் வீரர் காலிறுதிக்கு தகுதி பெறுவார்.