பூக்கும் கண்ணாடி

எனக்கும் வேண்டும்
எனக்கும் வேண்டுமென
ஒவ்வொருவராக மாற்றி அணிந்து
தாத்தாவின் சாயலை சொந்தமாக்கி
விளையாடிய மூக்கு கண்ணாடி
தவறி விழுந்து சிறு
விரிசல் விழுகையில்
பாவமென முகத்தை வைத்து கொண்டு
தாத்தாவை பார்க்கும் பேரக்குழந்தைகளை
செல்லமாக குட்டு வைத்து விரட்டிய பின்
கீழே விழுந்த மூக்கு கண்ணாடியை
கையில் எடுத்து பத்திரப்படுத்துகிறார்
குழந்தைகளை காணாத நேரங்களில்
மூக்கு கண்ணாடியின் விரிசல்கள்
நினைவு பூக்கும் கண்ணாடியாகிறது….

நிழலி