திறக்காத கதவில்…

வாழ்வின்
வட்டத்தை நேரம் நொடி
நொடியாய்
ஒடித்து சுழல்கிறது

தூளியில்
ஆடுகிறது குழந்தையின் உயிர்
பசியின்
விரலில் இறப்பின் கை

தெருவில்
இரண்டு பூக்கள் வாசம்
வாடி சாய்கிறது
உலகம்

பாலருந்தும்
குழந்தையின் வயதை
வறுமை
அருந்தி சுவைக்கிறது

அண்ணன்
தாயானான் தம்பி சேயானான்
மனிதம்
குருடானது

யாசகம்
வாசலில் குழந்தைகளின்
சத்தம்
திறக்காத கதவில்
எழுதியிருந்தது இறைவன் இருக்கிறான்
என்று…

கவிஞர் பாக்கி