உதயநிதி ஸ்டாலின் பிறந்தநாள் அன்று அரசு மருத்துவமனைகளில் பிறந்த குழந்தைகளுக்கு திமுகவினர் ஒரு கிராம் தங்க மோதிரம் அணிவிப்பு.

தேனி மாவட்டம் பெரியகுளத்தில் நேற்று முன்தினம் திமுகவின் மாநில இளைஞரணி செயலாளரும் சட்டமன்ற உறுப்பினருமான உதயநிதி ஸ்டாலின் பிறந்த நாளை முன்னிட்டு திமுகவினர் தமிழகம் முழுவதும் நேற்று முன்தின முதல் பல்வேறு நிகழ்ச்சிகளை செய்து கொண்டாடி வருகின்றனர்.

இந்நிலையில் பெரியகுளம், தேவதானப்பட்டி, கெங்குவார்பட்டி அரசு மருத்துவமனைகளில் உதயநிதி ஸ்டாலின் பிறந்தநாள் அன்று பிறந்த குழந்தைகள் அனைவருக்கும் தேனி மேற்கு மாவட்ட செயலாளர் தங்க தமிழ்ச்செல்வன், பெரியகுளம் சட்டமன்ற உறுப்பினர் சரவணகுமார் தலைமையில் ஒரு கிராம் தங்க மோதிரம் வழங்கினர்.

இதில் உதயநிதி ஸ்டாலின் பிறந்தநாள் அன்று பெரியகுளம் பகுதியில் உள்ள அரசு மருத்துவமனைகளில் நான்கு பெண் குழந்தைகள் மற்றும் மூன்று ஆண் குழந்தைகள் பிறந்ததால் ஏழு குழந்தைகளுக்கும் ஒரு கிராம் தங்க மோதிரம் வழங்கப்பட்டது.

செய்தியாளர். A. சாதிக்பாட்சா, தேனி மாவட்டம்