‘டி20, ஒருநாள் தொடர்’…போட்டியை எதில் பார்க்க முடியும்? நேரம் இதுதான்..ரொம்ப கஷ்டம்!

இங்கிலாந்து சென்றுள்ள இந்திய அணி, டெஸ்ட் போட்டியில் பங்கேற்ற நிலையில், அதில் இங்கிலாந்து அணி 7 விக்கெட்கள் வித்தியாசத்தில் வெற்றியைப் பெற்றது.

கிருஷ்ணகிரியில் ஆஜரான இரு அமைச்சர்கள்… கே.ஆர்.பி அணையில் இருந்து நீர் திறப்பு!
இதனைத் தொடர்ந்து ஜூலை 7 முதல் தலா மூன்று போட்டிகள் கொண்ட டி20, ஒருநாள் தொடர் நடைபெறவுள்ளது.

டி20 தொடர் ஜூலை 7,9,10 ஆகிய தேதிகளில் அடுத்தடுத்து நடக்கவுள்ளது. இதற்கான இந்திய அணி சமீபத்தில் அறிவிக்கப்பட்டது. முதல் டி20 போட்டியில் இந்திய இளம் அணியும், அடுத்த இரண்டு போட்டிகளில் சீனியர் வீரர்களும் களமிறங்க உள்ளனர். ரோஹித் ஷர்மா கேப்டனாக செயல்பட உள்ளார்.

இதனைத் தொடர்ந்து மூன்று போட்டிகள் கொண்ட ஒருநாள் தொடர் ஜூலை 12, 14, 17 ஆகிய தேதிகளில் நடைபெறவுள்ளது. இதில் தினேஷ் கார்த்திக், உம்ரான் மாலிக் போன்றவர்கள் சேர்க்கப்படவில்லை. ரோஹித் ஷர்மா கேப்டனாக செயல்பட உள்ளார்.

நேரம்:

டி20 தொடரின் முதல் போட்டி ஜூலை 7ஆம் தேதி, இந்திய நேரப்படி இரவு 10:30 மணிக்கு துவங்கவுள்ளது. அடுத்த இரண்டு போட்டிகளிலும் இரவு 7 மணிக்கு துவங்கி நடைபெறும்.

ஜூலை 12, 14ஆம் தேதிகளில் நடைபெறும் ஒருநாள் போட்டிகள், இந்திய நேரப்படி மாலை 5:30 மணிக்கு துவங்கவுள்ளது. மூன்றாவது போட்டி மாலை 3:30 மணிக்கு துவங்கும்.

போட்டிகள் அனைத்தையும் சோனி குழுமம்தான் ஒளிபரப்ப உள்ளது. சோனி சிக்ஸில் ஆங்கிலத்திலும், சோனி டென் 4-ல் தமிழிலும் கமெண்ட்ரி செய்யப்படும். சோனி லைவ் ஆஃபிலும் போட்டியை காணலாம்.

முதல் டி20: ரோஹித் ஷர்மா, இஷான் கிஷன், ருதுராஜ் கெய்க்வாட், சஞ்சு சாம்சன், சூர்யகுமார் யாதவ், தீபக் ஹூடா, ராகுல் திரிபாதி, தினேஷ் கார்த்திக், ஹார்திக் பாண்டியா, வெங்கடேஷ் ஐயர், யுஜ்வேந்திர சஹல், அக்சர் படேல், ரவி பிஷ்னோய், புவனேஷ்வர் குமார், ஹர்ஷல் படேல், ஆவேஷ் கான், அர்ஷ்தீப் சிங், உம்ரான் மாலிக்.

2,3ஆவது டி20: ரோஹித் ஷர்மா, இஷான் கிஷன், விராட் கோலி, சூர்யகுமார் யாதவ், தீபக் ஹூடா, ஷ்ரேயஸ் ஐயர், தினேஷ் கார்த்திக், ரிஷப் பந்த், ஹார்திக் பாண்டியா, ரவீந்திர ஜடேஜா, யுஜ்வேந்திர சஹல், அக்சர் படேல், ரவி பிஷ்னோய், ஜஸ்பரீத் பும்ரா, புவனேஷ்வர் குமார், ஆவேஷ் கான், ஹர்ஷல் படேல், உம்ரான் மாலிக்.

ஒருநாள் அணி:

ரோஹித் ஷர்மா, ஷிகர் தவன், இஷான் கிஷன், விராட் கோலி, சூர்யகுமார் யாதவ், ஷ்ரேயஸ் ஐயர், ரிஷப் பந்த், ஹார்திக் பாண்டியா, ரவீந்திர ஜடேஜா, ஷர்தூல் தாகூர், யுஜ்வேந்திர சஹல், அக்சர் படேல், ஜஸ்பரீத் பும்ரா, பிரசித் கிருஷ்ணா, முகமது ஷமி, முகமது சிராஜ், அர்ஷ்தீப் சிங்.