பல ஆண்டுகள் இடைவேளிக்கு பிறகு தனுஷ் – செல்வராகவன் இணைந்துள்ள புதிய படம் தொடர்பான சமீபத்திய அப்டேட் வெளியாகியுள்ளது. இதுகுறித்து விரிவாக பார்க்கலாம்.
செல்வராகவன் இயக்கத்தில் தனுஷ் நடிப்பில் கடைசியாக வெளியான படம் ‘மயக்கம் என்ன’. கடந்த 2011-ம் ஆண்டு வெளியான இந்த படத்தை தொடர்ந்து இருவரும் கடந்த 9 ஆண்டுகளாக வெவ்வேறு படங்களில் பிஸியாக இருந்தனர்.
தற்போது இந்த சகோதரர்கள் மீண்டும் ஒரு புதிய படத்துக்காக இணைந்துள்ளனர். இதற்கான அறிவிப்பு கடந்தாண்டே வெளியாகிவிட்டது. எனினும், தனுஷ் தி கிரே மேன் படத்தில் நடித்து வந்ததால் படப்பிடிப்பு தள்ளிவைக்கப்பட்டது.
படத்துக்காக டைட்டில் போஸ்டர் உள்ளிட்ட விபரங்கள் ஏற்கனவே அறிவிக்கப்பட்டுவிட்டது. அதன்படி படத்துக்கு ‘நானே வருவேன்’ என டைட்டில் வைக்கப்பட்டுள்ளதாக வெளியானது. இப்போது படத்தின் ஷூட்டிங் துவங்கப்படுவது ரசிகர்களை எதிர்ப்பார்ப்பு அடையச் செய்துள்ளது.
இயக்குநர் செல்வராகவன் படத்தின் கதை மாற்றிவிட்டதாகவும், மேலும் படத்திற்காக வைக்கப்பட ‘நானே வருவேன்’ டைட்டிலையும் செல்வராகவ்ன மாற்றியுள்ளதாக கூறப்படுகிறது. இதுகுறித்து விரைவில் அப்டேட் வெளியாகும் என எதிர்பார்க்கப்படுகிறது.
