தமிழில் தயாராகி வரும் ‘காசேதான் கடவுளடா’ படத்தின் பணிகள் இறுதிக்கட்டத்தை எட்டியுள்ளதை அடுத்து, ஷூட்டிங் ஸ்பாட் புகைப்படங்கள் இணையத்தில் வெளியாகியுள்ளன. கடந்த 1972-ம் ஆண்டு முத்துராமன், தேங்காய் சீனிவாசன், மனோரமா, லட்சுமி, ஸ்ரீகாந்த், வெண்ணிற ஆடை மூர்த்தி உள்ளிட்டோர் நடிப்பில் வெளியாகி வெற்றிபெற்ற படம் காசேதான் கடவுளடா’. இந்த படம் மீண்டும் தமிழில் அதே பெயரில் ரீமேக் செய்யப்படுகிறது.
கதாநாயகனாக மிர்ச்சி சிவா நடிக்கிறார், கதாநாயகியாக ப்ரியா ஆனந்த் நடிக்கிறார். ஊர்வசி, யோகி பாபு, தலைவாசல் விஜய், மனோபாலா, ஷிவாங்கி உள்ளிட்டோர் முக்கிய கதாபாத்திரங்களில் நடிக்கின்றனர்.
‘கண்டேன் காதலை; ‘ஜெயம்கொண்டான்’ போன்ற படங்களை இயக்கிய ஆர். கண்ணன் இந்த படத்தை இயக்கி வருகிறார். கடந்த மாதம் துவங்கிய இப்படத்தின் படப்பிடிப்பு பணிகள் இறுதிக்கட்டத்தை எட்டியுள்ளன.
விரைவில் போஸ்ட் புரொடக்ஷன் பணிகள் துவங்கவுள்ளதை அடுத்து, படப்பிடிப்பு தளத்தில் எடுக்கப்பட்ட சில புகைப்படங்கள் இணையதளங்களில் வைரலாகி வருகின்றன. இன்னும் சில தினங்களில் ஒட்டுமொத்த படப்பிடிப்பையும் முழுக்க படக்குழு திட்டமிட்டுள்ளது.
