378views
சைவப் பிரியர்கள் பொதுவாக காளானில்தான் பிரியாணி செய்து சாப்பிடுவோம். இப்போது நாம் சுவையான கோவைக்காயில் பிரியாணி செய்வது எப்படி என்று பார்க்கலாம்.
சைவப் பிரியர்களுக்கான கோவைக்காய் பிரியாணி!
தேவையானவை:
பாஸ்மதி அரிசி – 1/2 கிலோ
கோவைக்காய் – கால் கிலோ
வெங்காயம் – 4
தக்காளி – 3
இஞ்சி- பூண்டு பேஸ்ட்- 2 ஸ்பூன்
பச்சை மிளகாய் – 5
பட்டை- 4
பிரியாணி இலை – 5
கிராம்பு- 5,
ஏலக்காய் – 5
மிளகாய்த் தூள் – 2 ஸ்பூன்
மஞ்சள் தூள் – 1/2 ஸ்பூன்
மல்லித் தூள் – 1 ஸ்பூன்
நெய் – 150 மில்லி அளவு
எலுமிச்சை பழம் – 1
கொத்தமல்லி தழை- கைப்பிடியளவு
புதினா – கைப்பிடியளவு
எண்ணெய் – தேவையான அளவு
செய்முறை:
-
வெங்காயம் மற்றும் பச்சை மிளகாயை நீளவாக்கில் வெட்டிக் கொள்ளவும். இஞ்சி மற்றும் பூண்டினை மிக்சியில் போட்டு மைய அரைத்துக் கொள்ளவும். கோவைக்காயை கழுவி சிறு துண்டுகளாக நறுக்கிக் கொள்ளவும்.
-
அடுத்து குக்கரில் எண்ணெய் மற்றும் நெய் ஊற்றி பட்டை, கிராம்பு, பிரியாணி இலை, ஏலக்காய் போட்டு தாளித்து அத்துடன் வெங்காயம், தக்காளி, இஞ்சி பூண்டு போட்டு வதக்கவும்.
-
அடுத்து கொத்தமல்லி, புதினா இலை, பச்சை மிளகாய், மிளகாய்த் தூள், மஞ்சள் தூள், மல்லித் தூள் போட்டு வதக்கவும்.
-
அடுத்து கோவைக்காய், உப்பு சேர்த்து வேகவிட்டு, அரிசியைப் போட்டு அதனைவிட இரண்டு மடங்கு தண்ணீர்விட்டு வேக விடவும்.
-
அடுத்து விசில் வரும்போது எலுமிச்சை சாறு பிழிந்துவிட்டு இறக்கினால் கோவைக்காய் பிரியாணி ரெடி.
