வேலூர் மாவட்டம் காட்பாடி சட்டமன்ற தொகுதியில் மீண்டும் போட்டியிடும் திமுக வேட்பாளர் அமைச்சர் துரைமுருகன் ஊர்வலமாக வந்து வேட்புமனு தாக்கல்

வேலூர் மாவட்டம் காட்பாடி சட்டமன்ற தொகுதியில் மீண்டும் திமுக வேட்பாளராக அமைச்சர் துரைமுருகன் போட்டியிடுகின்றார்.

இதற்காக காட்பாடி செங்குட்டை பகுதியிலிருந்து வேட்புமனு தாக்கல் செய்ய வேனில் புறப்பட்ட வேட்பாளர் அமைச்சர் துரைமுருகனை திமுக, காங்கிரஸ், தேமுதிக, விசிக மற்றும் கூட்டணியை சேர்ந்தவர்கள் ஊர்வலமாக சென்று அண்ணாசிலைக்கு மாலை அணிவிக்கப்பட்டு பின்பு காட்பாடி தாசில்தார் அலுவலகத்தில் உள்ள தேர்தல் நடத்தும் அலுவலர் மாறனிடம், துரைமுருகன் வேட்புமனு தாக்கல் செய்தார்.  ஊர்வலத்தில் வேலூர் எம்.பி.கதிர் ஆனந்த், துணை மேயர் சுனில்குமார், பகுதி செயலாளர் வன்னியராஜா, மாநகராட்சி கவுன்சிலர்கள், ஒன்றிய செயலாளர்கள், இந்திய கூட்டணி கட்சியை சேர்ந்த பலர் இதில் பங்கேற்றனர்.

கே.எம். வாரியார்