16views
” காதல்பதிவு” ” நந்திவரம்” ” கொலை தூரம்” “சினிமா கனவுகள்” “கருப்பட்டி” படங்களை அடுத்து ” ஒசரம்” படத்தை இயக்கி வரும் பிரபு ராமானுஜம் ” ஒசரம்” படத்தை பற்றி கூறியதாவது , ” அண்ணன் தங்கை இருவரின் பாசத்தை மையப்படுத்தி அன்று சிவாஜி கணேசனின் ” பாசமலர்” நேற்று டி.ராஜேந்தரின் ” தங்கைக் கோர் கீதம்” இன்று ” ஒசரம்” என்று சொல்லும் அளவிற்கு இந்தப்படம் இருக்கும். ஒசரம் படத்தில் அண்ணன் தங்கை இருவரும் ஒருவருக்கு ஒருவர் பாசத்தை, கடலை விட ஆழமாகவும் , வானத்தை விட உயரமாகவும் , பூமியை விட அகலமாகவும் பரிமாறி வரும் வேளையில் தங்கை ஒருவனிடம் காதல் வயப்படுகிறாள். தங்கையின் காதலன் நல்லவன் இல்லை என்பது அண்ணனின் கணிப்பு. தங்கையோ தான் காதலித்தவனை மணமுடிக்கிறாள். தங்கை கர்ப்பமாகிறாள் இதை கேள்விபட்ட அண்ணன் தங்கையை பார்க்க வீட்டிற்கு வருகிறான் அங்கு தங்கையின் கணவன் கொலை செய்யப்பட்டு கிடக்கிறான். அந்த கொலைப் பழி அண்ணன் மீது விழுகிறது. அவன் சிறை செல்கிறான். அப்பொழுது ஒரு திடுக்கிடும் சம்பவம் நடைபெறுகிறது. இப்படி விறுவிறுப்பான திரைக்கதையை நான் எழுதிய கதைக்கு அமைத்து வசனம் எழுதி எனது ஏழாவது படமாக “ஒசரம்” படத்தை இயக்கி வருகிறேன்”. என்று கூறினார்.
“கருப்பட்டி” படத்தில் நடித்துள்ள விஜயராஜ் இந்தப்படத்திலும் கதாநாயகனாக நடிக்கிறார். இதில் இவருக்கு இரட்டை வேடம். புதுமுக நாயகனான விஜயராஜ் தனது இரண்டாவது படத்திலேயே இருவேடங்களில் நடிப்பது தமிழ் சினிமாவில் முதல்முறையாகும்.
மேலும் இதில் ராஷ்மிகா , ஐஸ்வர்யா , அப்புக்குட்டி , ஜூலி , கருத்தம்மா ராஜஸ்ரீ , கூல் சுரேஷ் , இமான் அண்ணாச்சி , ஜிப்சிராஜ்குமார் , சிசர் மனோகர் , கராத்தே ராஜா , லேகாஸ்ரீ , ரஞ்சன் , கலைவாணி, மீசை ராஜேந்திரன் , விஜயகணேஷ் , கிளி ராமச்சந்திரன் , ஆகியோருடன் கோட்டை கருப்பு மூவீஸ் சார்பில் ” ஒ ச ர ம் ” படத்தை தயாரிக்கும் நிலக்கோட்டை பானு இதில் பஞ்சாயத்து தலைவியாக தனது நடிப்பை வெளிப்படுத்துகிறார்.
நிலக்கோட்டை , செஞ்சி , சேலத்தில் உள்ள மேட்டூர் ஆகிய ஊர்களில் இந்தப்படம் வளர்ந்துள்ளது .
பாடல்கள் எழுதி , இசையமைத்து நடித்தும் வருகிறார் டி. எஸ். திவாகர். பவர்சிவா நடன பயிற்சியையும் , செந்தில் மாறன் ஒளிப்பதிவையும், அசால்ட் மதுரை சண்டை பயிற்சியையும் , சக்தி படத்தொகுப்பையும் கவனிக்கின்றனர்.
படத்தில் பஞ்சாயத்து தலைவியாகவும் நடித்து நல்லதொரு பாசமான கதையை உருவாக்கி தயாரித்து வருகிறார் நிலக்கோட்டை பானு.
