விசிக நிர்வாகியால் மிரட்டப்பட்ட இராஜபாளையம் ராணுவீரரின் குடும்பத்திற்கு பாஜகவினர் 200 பேர் ஊர்வலமாக சென்று ஆதரவு – குடும்பத்தினருடன் செல்போனில் பேசிய மாநில தலைவர் அண்ணாமலை

விருதுநகர் மாவட்டம் இராஜபாளையம் அருகே கீழராஜகுலராமன் பகுதி சேர்ந்த  விசிக தலைவர் திருமாவளவனுக்கு எதிராக சமூக வலையதளத்தில் கருத்து தெரிவித்ததற்காக அக்கட்சி நிர்வாகியால் மிரட்டப்பட்ட இராஜபாளையம் பகுதியை சேர்ந்த ராணுவ வீரர் குருமூர்த்தியின் வீட்டிற்கு சென்று பாஜகவினர் ஆதரவு தெரிவித்தனர்.

இராஜபாளையம் அருகே கீழராஜகுலராமன் பகுதியை சேர்ந்த குருமூர்த்தி. சி.ஆர்.பி.எப் இவர் மேகலயாவில் ராணுவ வீரராக பணியாற்றி வருகிறார். இவர் சென்னை அம்பேத்கர் சட்ட கல்லூரியில் நடந்த புத்தக வெளியிட்டு விழாவில் தமிழ்நாட்டை தனி நாடாக அமைப்பதே தமிழ் தேசியத்தின் இலக்கு என விடுதலை சிறுத்தை கட்சியின் தலைவர் திருமாவளவன் பேசியதை
கண்டித்து ராணுவ வீரர் குருமூர்த்தி சமூக வலையதளத்தில் கருத்து பதிவிட்டு இருந்தார்.

இந்நிலையில் குருமூர்த்தியை விசிக நிர்வாகிகள் மற்றும் அக்கட்சியை சேர்ந்த பலர் குருமூர்த்திக்கு மிரட்டல் வீடியோ வெளியிட்டனர்.  இதையெடுத்து ராணுவ வீரர் குருமூர்த்தியை பாஜக தலைவர் அண்ணாமலை தொலைபேசியில் தொடர்பு கொண்டு தனது ஆதரவை தெரிவித்தார். மேலும் அவரது குடும்பத்திற்கு தமிழக பாஜக துணை நிற்கும் என தெரிவித்தார்.

இந்நிலையில் அண்ணாமலை உத்தரவின் பேரில் விருதுநகர் மேற்கு மாவட்ட தலைவர் வி.கே.சுரேஷ்குமார், இளைஞரணி செயலாளர் ஜெய்கணேஷ். தலைமையில் 200க்கும் மேற்பட்ட பாஜகவினர் ராஜபாளையம் அருகே கீழராஜகுலராமன் கிராமத்தில் உள்ள ராணுவ வீரர் குருமூர்த்தியின் வீட்டிற்கு ஊர்வலமாக சென்று அவரது குடும்பத்திற்கு ஆதரவு தெரிவித்தனர்.
அப்போது மாநில தலைவர் அண்ணாமலை குருமூர்த்தியின் குடும்பத்தினருடன் செல்போனில் பேசி உங்களது குடும்பத்திற்கு பாஜக பாதுகாப்பாக இருக்கும் என உறுதி அளித்தார்.  இதில் நிகழ்வில் மாவட்ட துணை தலைவர் ராஜா, பொது செயலாளர் கிரி கிழக்கு ஒன்றிய தலைவர் ராம்குமார் . மேற்கு ஒன்றிய தலைவர் சிவசக்தி. மாவட்ட பொது செயலாளர் தங்கராஜ் உள்ளிட்ட நிர்வாகிகள் கலந்து கொண்டனர் விடுதலை சிறுத்தை கட்சிகளுக்கு எதிராக கோஷங்கள் எழுப்பி தங்களுடைய எதிர்ப்பை தெரிவித்து ராணுவ வீரருக்கு ஆதரவையும் தெரிவித்தனர்.

செய்தியாளர் வி காளமேகம், மதுரை மாவட்டம்