ஆஸி. ஒருநாள் அணிக்குப் புதிய கேப்டன்

மேற்கிந்தியத் தீவுகள் அணிக்கு எதிரான முதல் ஒருநாள் ஆட்டத்தில் ஆஸி. அணியின் கேப்டனாக அலெக்ஸ் கேரி தேர்வாகியுள்ளார்.

மேற்கிந்தியத் தீவுகளுக்குச் சுற்றுப்பயணம் செய்துள்ள ஆஸ்திரேலிய அணி டி20, ஒருநாள் தொடர்களில் பங்கேற்கிறது. டி20 தொடரை 4-1 என மே.இ. தீவுகள் அணி வென்றது. 3 ஆட்டங்கள் கொண்ட ஒருநாள் தொடர் நாளை முதல் தொடங்குகிறது.

ஆஸி. கேப்டன் ஆரோன் ஃபிஞ்சுக்குக் காயம் ஏற்பட்டதால் முதல் ஒருநாள் ஆட்டத்தில் ஆஸி. அணியின் கேப்டனாக அலெக்ஸ் கேரி தேர்வாகியுள்ளார். ஆஸ்திரேலிய ஒருநாள் அணியின் 26-வது கேப்டன் என்கிற பெருமையை அவர் அடைந்துள்ளார்.