பிரபல தெலுங்கு இயக்குனர் ராஜமௌலி இயக்கத்தில் ராம்சரண், ஜூனியர் எண்டி ஆர் நடித்துள்ள படம் ஆர்.ஆர்.ஆர். இத்திரைப்படம் உலகம் முழுவதும் 12 மொழிகளில் வெளியாகவுள்ளதாக சினிமா வட்டாரங்கள் தெரிவிக்கின்றன.
இந்த படம் இந்த ஆண்டு ஜனவரியில்வெளியிட திட்டமிடப்பட்டிருந்த நிலையில் கொரோனா காரணமாக படப்பிடிப்பு தாமதம், இரண்டாம் அலை கொரோனா உள்ளிட்ட காரணங்களால் 2022 ஆம் ஆண்டு மே மாதம் வெளியாகும் என எதிர்பார்க்கப்படுகிறது.
சுதந்திர போராட்ட வீரர்களான அல்லுரிசீதராம ராஜூ மற்றும் கோமரம் பீம் ஆகியோரது வாழ்க்கையை மையப்படுத்திய இந்த கதையை ஆக்ஷன் படமாக இயக்கியுள்ளார் ராஜமௌலி.
முன்னதாக இந்திய மொழிகளான தமிழ், தெலுங்கு, மலையாளம், இந்தி, கன்னடம் ஆகிய மொழிகளில் படம் வெளியாவதாக அறிவிக்கப்பட்டிருந்தது. இந்நிலையில் பட ரிலீஸுக்கு ஒரு வருட இடைவெளி உள்ள நிலையில் இந்த படத்தை உலக மொழிகளானஆங்கிலம், போர்ச்சுகீஷ், ஸ்பானிஸ், துருக்கி, ஜப்பான், கொரியன் மற்றும் சீன மொழிகளில் வெளியிடப்படுவது உறுதி செய்யப்பட்டுள்ளமை குறிப்பிடத்தக்கது.
