திருமங்கலம் அருகே கப்பலூர் சுங்கச்சாவடி விதிமுறையை மீறி அமைக்கப்பட்டுள்ளதால் , அதனை அகற்றக்கோரி, விருதுநகர் எம்பி மாணிக்கம் தாகூர், இது தொடர்பாக சுங்கச்சாவடி எதிர்ப்பு ஒருங்கிணைப்பு குழுவுடன் மத்திய அமைச்சர் நிதின் கட்கரி – யை சந்திக்க ஏற்பாடு.
102views
மதுரை மாவட்டம் திருமங்கலம் அருகே கப்பலூர் என்ற இடத்தில் அமைக்கப்பட்டுள்ள மத்திய அரசால் இயக்கப்பட்டு வரும் சுங்கச்சாவடி, கடந்த 10 ஆண்டுகளுக்கு மேலாக இயங்கி வரும் நிலையில், நெடுஞ்சாலை துறையின் விதிமுறையை மீறி அமைக்கப்பட்டுள்ளது என்பது அறிந்ததே.
இந்த நிலையில் உள்ளூர் வாகனங்களுக்கு அவ்வப்போது கட்டண விலக்கு அளித்து வந்தது. இந் நிலையில், சுங்கச்சாவடி நிர்வாகம் தற்போது உள்ளூர் வாகனங்களுக்கும் ரூபாய் 300 வரை கட்டணம் செலுத்த வேண்டும் என நிர்பந்தம் செய்ததால், உள்ளூர் வாகன ஓட்டிகளுக்கும் சுங்கச்சாவடி நிர்வாகத்திற்கும் பல்வேறு போராட்டங்கள், வாக்குவாதங்கள், முற்றுகை, உண்ணாவிரதம், மறியல் போராட்டங்கள் நடைபெற்ற நிலையில்,
நேற்று மதுரை வந்த தமிழக முதல்வர் மு க ஸ்டாலினிடம் சுங்கச்சாவடி எதிர்ப்பு ஒருங்கிணைத்துக் குழு, இந்த சுங்கச்சாவடியை அகற்றக்கோரி மனு அளித்துள்ளனர். அதற்கு தமிழக முதல்வர் உரிய நடவடிக்கை எடுப்பதாக உறுதி அளித்துள்ளதாக சுங்கச்சாவடி எதிர்ப்பு ஒருங்கிணைப்பு குழு தெரிவித்தனர்.
