கோப்பை வென்றார் படோசா – பைனலில் அசரன்கா தோல்வி

இந்தியன் வெல்ஸ் தொடரில் சாம்பியன் கோப்பை வென்றார் படோசா. அமெரிக்காவில் இந்தியன் வெல்ஸ் சர்வதேச டென்னிஸ் தொடர் நடந்தது. பெண்கள் ஒற்றையர் பிரிவு பைனலில் ஸ்பெயினின் படோசா, பெலாரசின் அசரன்கா மோதினர். ‘டை பிரேக்கர்’ வரை சென்ற முதல் செட்டை படோசா 7-6 என கைப்பற்றினார். இரண்டாவது செட்டில் சுதாரித்துக் கொண்ட அசரன்கா 6-2 என வென்று பதிலடி கொடுத்தார். வெற்றியாளரை முடிவு செய்ய நடந்த மூன்றாவது, கடைசி செட் இழுபறியாக இருந்தது. ‘டை பிரேக்கர்’ வரை சென்ற இந்த செட்டை படோசா 7-6 என வசப்படுத்தினார். முடிவில் படோசா 7-6, 2-6, 7-6 என்ற கணக்கில் போராடி வெற்றி பெற்று கோப்பை தட்டிச் சென்றார்.