சிறைச்சாலையில் ஏற்பட்ட மோதல்.. உயிரிழந்த கைதிகள்.. குவிக்கப்பட்ட பாதுகாப்பு படையினர்..!!
சிறைச்சாலையில் ஏற்பட்ட மோதலில் 24 கைதிகள் உயிரிழந்ததாக தகவல் வெளியாகியுள்ளது.
தென் அமெரிக்க நாட்டில் ஈகுவடார் குயாக்வாலி என்ற நகரில் சிறைச்சாலை அமைந்துள்ளது. இந்த சிறைச்சாலையில் கொலை, கொள்ளை போன்ற பல்வேறு குற்றபிரிவுகளை சேர்ந்த குற்றவாளிகள் அடைப்படுவார்கள். மேலும் சிறைச்சாலையில் உள்ள கைதிகள் இரு குழுக்களாக பிரிந்த அடிக்கடி மோதிக் கொள்வார்கள். இந்நிலையில் கடைசியாக கைதிகளுக்குள் பயங்கரமான மோதல் நிகழ்ந்துள்ளது.
இந்த மோதலில் துப்பாக்கிச்சூடு, கத்திக்குத்து, வெடிகுண்டு போன்றவை பயன்படுத்தப்பட்டுள்ளது. மேலும் இந்த தாக்குதலில் 24 கைதிகள் உயிரிழந்தும் 48 பேர் படுகாயமடைந்தும் உள்ளனர். இதனையடுத்து உடனடியாக சிறைச்சாலையில் பாதுகாப்பு படைகள் குவிக்கப்பட்டு இரு குழுக்களுக்கு இடையே ஏற்பட்ட மோதல் கட்டுக்குள் கொண்டு வரப்பட்டுள்ளது. குறிப்பாக இரு குழுக்களிடையே நடக்கும் மோதல்களை தடுக்கும் நடவடிக்கையில் கூடுதல் பாதுகாப்பு அளிக்கப்பட்டு வருகிறது.
