கால்பந்து உலகின் நட்சத்திர ஆட்டக்காரர்களில் ஒருவராக லியோனல் மெஸ்ஸி விளங்குகிறார். தற்போது பிஎஸ்ஜி கால்பந்தாட்ட கிளப் அணிக்காக விளையாடும் மெஸ்ஸி தனது முதல் கோலை பதிவு செய்துள்ளார்.
மெஸ்ஸி தனது சிறு வயது முதலே பார்சிலோனா அணிக்காக விளையாடி வந்தார். அந்த அணிக்காக பல போட்டிகளில் விளையாடி வெற்றிகளை குவித்தது மட்டுமல்லாமல் பல சாதனைகளையும் மெஸ்ஸி படைத்தார். இந்த நிலையில், அண்மையில் பார்சிலோனா அணியில் இருந்து மெஸ்ஸி விலகினார். தற்போது இரண்டு ஆண்டுகளுக்கு பிஎஸ்ஜி அணிக்காக விளையாட ஒப்பந்தம் செய்துள்ளார் மெஸ்ஸி.
அந்த அணிக்காக 30ஆம் எண் கொண்ட ஜெர்ஸியில் அவர் விளையாடி வருகிறார். அந்த அணிக்காக விளையாடிய மெஸ்ஸி தனது தொடக்க ஆட்டங்கள் ஒரு கோல் கூட அடிக்கவில்லை. இது பல்வேறு விமர்சனங்களை ஏற்படுத்தியது. இந்த நிலையில், மான்செஸ்டர் சிட்டி அணிக்கு எதிரான போட்டியில் மெஸ்ஸி கோல் அடித்துள்ளார். இதுவே பிஎஸ்ஜி அணிக்காக மெஸ்ஸி அடித்த முதல் கோலாக அமைந்துள்ளது. அதோடு அந்த அணி 2 – 0 என மான்செஸ்டர் சிட்டி அணியை வீழ்த்தி இருந்தது.
அதேநேரத்தில, 2018ஆம் ஆண்டுக்கு பிறகு முதல் முறையாக லீக் சுற்றின் குழுப்பிரிவு ஆட்டத்தில் மான்செஸ்டர் சிட்டி அணி தோல்வியை தழுவியுள்ளது.
