முனைப்போடு முகிழ்த்தவை

ஒன்றை மறைக்க
வேறொரு சொல்லைத் தேடுகிறேன்
எதிரில் இருப்பது
நீயெனத் தெரிந்தபோதும்

அன்று உனக்குப் பிடித்ததை
வாங்கித்தர முடியவில்லை
இன்று குவித்த பொருட்களில்
எதையுமே எனக்குப் பிடிக்கவில்லை

உனக்கான விடியலில்
செவ்வானம் வெட்கப்படுகிறது
எனக்கு மட்டுமே தெரியும்
நேற்றைய நிகழ்வுகள்

வாழ்வின் தொடக்கம்தான்
முடிவென அறிவுறுத்துகின்றன
உனது புள்ளிவைத்த
மாக் கோலங்கள்

கண்களோடு பேசிய காலங்கள்
மறைந்து போனாலும்
நெஞ்சில் உருவாகின்றன
நட்பின் சுவடுகள்

• கா.ந.கல்யாணசுந்தரம்