வேலூர் – கால்நடை மருத்துவர் மற்றும் திருப்பத்தூர் எம்.எல்.ஏ. திருப்பதிக்கு பாராட்டு விழா

வேலூர் மாவட்டம், வேலூர் தாலுகா, ஆபீஸர்ஸ் லைன், டார்லிங் ரெசிடென்சி மணப்பிரியா கூட்டரங்கில், தமிழ்நாடு கால்நடை உதவி மருத்துவர்கள் சங்கம் மற்றும் தமிழ்நாடு கால்நடை மருத்துவ அலுவலர்கள் சங்கம் சார்பில் கால்நடை மருத்துவரும், த.வெ.க. திருப்பத்தூர் சட்டமன்ற உறுப்பினருமான திருப்பதிக்கு பாராட்டு விழா சிறப்பாக நடைபெற்றது.

இவ்விழாவிற்கு முன்னாள் சங்க நிர்வாகிகள் மருத்துவர் மனோகர்சுந்தர்ராஜ் மற்றும் டி.பி. ராஜேந்திரன் ஆகியோர் தலைமை வகித்தனர். இந்நிகழ்ச்சியில் கால்நடை மருத்துவ அலுவலர்கள் சங்க மாவட்ட செயலாளர் மருத்துவர் அந்துவன், தமிழ்நாடு கால்நடை மருத்துவ சங்க வேலூர் மாவட்ட செயலாளர் மரு. ஹேமலட்சுமி, திருப்பத்தூர் மாவட்ட செயலாளர் தில்லைவாணன், இராணப்பேட்டை மாவட்ட செயலாளர் சதீஷ்பாபு ஆகியோர் பாராட்டு விழா ஏற்பாடு செய்தனர். காஞ்சிபுரம், திருவண்ணாமலை, கிருஷணகிரி மாவட்ட கால்நடை மருத்துவர்கள் பங்பெற்றனர். தமிழ்நாடு கால்நடை மருத்துவ அலுவலர்கள் சங்கத்தின் தலைவர் மற்றும் பொது செயலாளர் த.வெ.க. திருப்பத்தூர் சட்டமன்ற உறுப்பினர் மருத்துவர் திருப்பதிக்கு பொன்னாடை அணிவித்து சங்க நிர்வாகிகள் சார்பில் சிறப்பு கௌரவம் அளிக்கப்பட்டது.

மேலும், சிறப்பு அழைப்பாளர்களாக தமிழக வெற்றி கழகம் வேலூர் எம்.எல்.ஏ. எம். வினோத் கண்ணன் மற்றும் காட்பாடி எம்.எல்.ஏ. சுதாகர் ஆகியோர் கலந்து கொண்டு விழாவை சிறப்பித்தனர். இதனைத் தொடர்ந்து, சிறப்பு விருந்தினர்கள் மற்றும் அழைப்பாளர்களுக்கும் சங்க நிர்வாகத்தின் சார்பில் நினைவுப் பரிசுகள் வழங்கி பொன்னாடைகள் போர்த்தி கௌரவிக்கப்பட்டது. இந்நிகழ்ச்சியில் 200-க்கும் மேற்பட்ட கால்நடை மருத்துவர்கள், மற்றும் சங்க நிர்வாகிகள் என திரளானோர் கலந்து கொண்டு பாராட்டு விழாவை சிறப்பித்தனர்.

கே.எம்.வாரியார்