NZ VS BAN முதல் டி20 போட்டி : நியூசிலாந்தை துவம்சம் செய்து .. சாதனை படைத்த வங்காளதேசம் ..!!!
நியூசிலாந்துக்கு எதிரான முதல் டி20 போட்டியில் வங்காளதேச அணி 7 விக்கெட் வித்தியாசத்தில் அபார வெற்றி பெற்றது .
வங்கதேசத்தில் சுற்றுப்பயணம் மேற்கொண்டுள்ள நியூசிலாந்து அணி 5 போட்டிகள் கொண்ட டி20 தொடரில் விளையாடி வருகிறது .இதில் இரு அணிகளுக்கு இடையிலான முதல் டி20 போட்டி டாக்காவில் நேற்று நடைபெற்றது .இதில் டாஸ் வென்ற நியூசிலாந்து அணி பேட்டிங் தேர்வு செய்தது. இதன்படி தொடக்கத்தில் களமிறங்கிய நியூசிலாந்து அணி 9 ரன்னுக்குள் 4 விக்கெட்டுகளை இழந்து அதிர்ச்சியளித்தது. இதனால் வங்காளதேச அணியின் பந்து வீச்சை எதிர்கொள்ள முடியாமல் நியூசிலாந்து அணி திணறியது .இறுதியாக 16.5 ஓவரிலேயே நியூசிலாந்து அணி 60 ரன்னில் ஆல் அவுட் ஆனது.
இதில் வங்காளதேச அணி சார்பில் முஸ்தாபிஜூர் ரகுமான் 3 விக்கெட்டும், முகமது சைபுதீன் 2 விக்கெட்டும், ஷகிப் அல் ஹசன் மற்றும் நசும் அகமது தலா 2 விக்கெட்டும் கைப்பற்றினர். இதன்பிறகு களமிறங்கிய வங்கதேச அணி 15 ஓவர்களில் 3 விக்கெட் இழப்பிற்கு 62 ரன்கள் குவித்து எளிதில் வெற்றி பெற்றது .இதனால் 7 விக்கெட் வித்தியாசத்தில் நியூசிலாந்தை வீழ்த்தி வங்காளதேச அணி அபார வெற்றி பெற்றது. இதன்மூலம் டி 20 போட்டியில் நியூசிலாந்தை வீழ்த்தி வங்காளதேச அணி வெற்றி பெற்றது இதுவே முதல் முறையாகும் .
