காட்பாடி அடுத்த பிரம்மபுரத்தில் எம்ஜிஆரின் 106 -வது பிறந்தநாள் விழா-இனிப்பு வழங்கி கொண்டாட்டம்

வேலூர் மாவட்டம் காட்பாடி அடுத்த பிரம்மபுரம் கிராமத்தில் அதிமுக நிறுவனரும் தமிழக முன்னாள் முதல்வருமான டாக்டர் எம்ஜி ராமச்சந்திரனின் 106 -வது பிறந்தநாள் முன்னிட்டு பிரம்மபுரம் எம்பிகே நர்சரி பள்ளி அருகில் எம்ஜிஆர் படத்திற்கு மாலை அணிவித்து மரியாதை செய்யப்பட்டு கட்சி கொடி ஏற்றப்பட்டது. இனிப்பு வழங்கியபின் கழக தொண்டர்களுக்கு கட்சி துண்டு அணிவித்து மரியாதை செய்யப்பட்டது. வேலூர் மாநகர மாவட்ட அதிமுக அமைப்புசாரா ஓட்டுநர் அணி தலைவர் பிரகாசம் ஏற்பாட்டில் முன்னாள் பிரம்மபுரம் பஞ்சாயத்து தலைவர்கள் புகழ்வேந்தன், ராமமூர்த்தி, கிளைசெயலாளர் செந்தில்குமார், கழக நிர்வாகிகள் தொண்டர்கள் கலந்துகொண்டனர். முன்பாக பிரம்மபுரம் பஸ் நிலையம், தாங்கல் பகுதியில் எம்ஜிஆர் படத்திற்கு மாலை அணிவிக்கப்பட்டு இனிப்பு வழங்கப்பட்டது.

செய்தியாளர் : கே.எம். வாரியார், வேலூர் மாவட்டம்