திருமங்கலம் அருகே மதுரை தெற்கு மாவட்ட திமுக சார்பில், ஏழை , எளிய மற்றும் நலிவுற்ற கிராமப்புற மக்களுக்கு மருத்துவ சிகிச்சை அளிக்கக்கூடிய உபகரணங்கள் மற்றும் நலத்திட்ட உதவிகள் ரூ5 லட்சம் செலவில் வழங்கும் விழா – இருதய சிகிச்சைக்காக கஷ்டப்பட்ட குடும்பத்திற்கு ரூபாய் 50,000/- நிதி உதவி

மதுரை மாவட்டம் திருமங்கலத்தை அடுத்த கள்ளிக்குடியில் , மதுரை தெற்கு மாவட்ட திமுக சார்பில், ஏழை, எளிய கிராமப்புற மக்களுக்கு மருத்துவ சிகிச்சை அளிக்கக்கூடிய மருத்துவ உபகரணங்கள் மற்றும் தூய்மை பணியாளர்களுக்கு நலத்திட்ட உதவிகள் உட்பட 5 லட்சம் ரூபாய் செலவில் திமுக மாவட்ட செயலாளர் மணிமாறன் வழங்கினார்.

மருத்துவ உபகரணங்கள் அந்தந்த கிராமப்புற பகுதியில் உள்ள அரசு செவிலியர்களிடம் வழங்கப்பட்டு அவர்கள் மூலம் சிகிச்சை அளிக்கவும் ஏற்பாடு செய்யப்பட்டுள்ளது.  மேலும் லாலாபுரம் கிராமத்தைச் சார்ந்த இளைஞர் ஒருவருக்கு இருதய சிகிச்சைக்காக ரூபாய் 50,000/- நிதி உதவியும் வழங்கப்பட்டன.மேலும் தூய்மை பணியாளர்கள் 50 பேருக்கு அத்தியாவசிய பொருட்கள் அரிசி, மளிகை பொருட்கள் மற்றும் காய்கறி தொகுப்பு உள்ளிட்டவைகளும் வழங்கப்பட்டன. இவ்விழாவில் திமுக நிர்வாகிகள் ஏராளமானோர் பங்கு கொண்டனர்.

செய்தியாளர் : வி காளமேகம், மதுரை மாவட்டம்