விநாயகர் சதுர்த்தி வாழ்த்து

கவிஞர் சேலம் சங்கர் எம்.ஏ.,

வினை தீர்க்கும் விநாயகனே
ஞாலம் காத்திடும் நாயகனே!
சீலனே! சிவபாலனே! தூயனே! துயர் தீர்ப்பவனே!

வினை தீர்க்கும் விநாயகனே!
ஞாலம் காத்திடும் நாயகனே!

துதிக்கும் வளைவினிலே ஓம் மந்த்ரம் ஜொலிக்கும்;
கதியென நிற்போர்தம் கனவுகள் பலிக்கும்.
தந்தத்தை எழுத்தாணி ஆக்கியவன்;
பாரத நூலினைத் தீட்டியவன்.
வள்ளியை முருகனொடு இணைத்தவனே
பக்தியினால் எமைப் பிணைத்தவனே!

முழுமுதற் கடவுள் நீயல்லவோ!
உயிர்கள் யாவும் உன் சேயல்லவோ!
காலத்தை சொல்லுகின்ற பரம்பொருளே!
ஞாலத்தை காத்திட வரம் அருளே!

வினை தீர்க்கும் விநாயகனே!
ஞாலம் காத்திடும் நாயகனே!