வணிகவியல் கழகம் துவக்க விழா

சிவகங்கை மாவட்டம், இளையான்குடி, டாக்டர் சாகிர் உசேன் கல்லூரி, வணிகவியல் துறை சார்பாக 12.08.2024 அன்று இளங்கலை மற்றும் முதுகலை வணிகவியல் கழக துவக்க விழா நடைபெற்றது. துறைத்தலைவர் நைனா முகம்மது வரவேற்றார். கல்லூரி முதல்வர் ஜபருல்லாகான் தலைமையுரையாற்றினார். உதவிப்பேராசிரியர், நாசர் மற்றும் காதர் மீரான் ஆகியோர் சிறப்பு விருந்தினர்களை அறிமுகம் செய்தனர்.

சிறப்பு விருந்தினர்களாக சிவகங்கை, இராஜா துரைசிங்கம் அரசு கல்லூரி, வணிகவியல் துறை, இணைப்பேராசிரியர், செண்பகநாதன் மற்றும் காரைக்குடி, அழகப்பா அரசு கலை கல்லூரி, வணிகவியல்துறை, இணைப்பேராசிரியர் ரமேஷ் ஆகியோர் கலந்துகொண்டு வணிகவியல் மன்றங்களை துவக்கிவைத்து சிறப்புரையாற்றினார். நிகழ்வில் கணக்கியல் தொழில்சார் பட்டய படிப்பு முடித்தவர்களுக்கு சான்றிதழ் வழங்கப்பட்டது. இறுதியாக உதவிப்பேராசிரியர் ஜாஹிர் உசேன் நன்றி கூறினார்.