ஸ்காட்லாந்துக்கு எதிரான ஆட்டத்தில் வெற்றி: இரண்டாவது வெற்றியை ஈட்டிய நியூசிலாந்து
இருபது ஓவர் உலகக்கோப்பை கிரிக்கெட் தொடரில் நியூசிலாந்து அணி இரண்டாவது வெற்றியை பதிவு செய்தது.
ஸ்காட்லாந்து அணியுடனான போட்டியில் நியுசிலாந்து 16 ரன்கள் வித்தியாசத்தில் வெற்றி பெற்றது.
துபாயில் நடைபெற்ற போட்டியில் முதலில் பேட்டிங் செய்த நியூசிலாந்து அணி 5 விக்கெட் இழப்புக்கு 172 ரன்கள் குவித்தது. சிறப்பான ஆட்டத்தை வெளிப்படுத்தி ரன்களை குவித்த தொடக்க வீரர் மார்ட்டின் கப்தில் சதமடிக்கும் வாய்ப்பை தவறவிட்டார். 93 ரன்களில் அவர் விக்கெட்டை பறிகொடுத்தார். ஸ்காட்லாந்து தரப்பில் சஃபியான் ஷரிப், ப்ராட் வீல் ஆகியோர் தலா 2 விக்கெட்டுகள் வீழ்த்தினர்.
173 ரன்கள் எடுத்தால் வெற்றி என்ற என்ற இலக்குடன் விளையாடிய ஸ்காட்லாந்து அணியும் சீரான வேகத்தில் ரன்கள் சேர்த்தது. எனினும் அந்த அணியால் இருபது ஓவர்களில் 5 விக்கெட் இழப்புக்கு 156 ரன்கள் மட்டுமே எடுக்க முடிந்தது. அதிகபட்சமாக மைக்கெல் லீஸ்க் 20 பந்துகளில் 42 ரன்கள் எடுத்தார். நியூசிலாந்து தரப்பில் ட்ரண்ட் போல்ட், ஈஷ்வர் சோதி ஆகியோர் தலா 2 விக்கெட் வீழ்த்தினர். குரூப் 2-ல் 4 புள்ளிகளுடன் நியூசிலாந்து மூன்றாவது இடத்தில் உள்ளது.
