T20WorldCup: வெஸ்ட் இண்டீஸை வீழ்த்தியது தென் ஆப்பிரிக்கா ..! 8 விக்கெட் வித்தியாசத்தில் அபார வெற்றி .!!!
டி20 உலகக் கோப்பை தொடரில் வெஸ்ட் இண்டீஸ் அணிக்கெதிரான போட்டியில் 8 விக்கெட் வித்தியாசத்தில் தென் ஆப்பிரிக்கா அபார வெற்றி பெற்றுள்ளது.
டி20 உலகக் கோப்பை போட்டியில் நேற்றைய ஆட்டத்தில் குரூப்-1 பிரிவில் இடம்பிடித்த வெஸ்ட் இண்டீஸ் – தென் ஆப்பிரிக்கா அணிகள் மோதின. இதில் டாஸ் வென்ற தென் ஆப்பிரிக்கா அணி பீல்டிங் தேர்வு செய்தது .அதன்படி வெஸ்ட் இண்டீஸ் அணி முதலில் களமிறங்கியது. இதில் அதிகபட்சமாக லீவிஸ் 35 பந்துகளில் 56 ரன்கள் குவித்தார். இறுதியாக வெஸ்ட் இண்டீஸ் அணி 20 ஓவர் முடிவில் 8 விக்கெட் இழப்புக்கு 143 ரன்கள் குவித்தது இதன்பிறகு 144 ரன்களை வெற்றி இலக்காக கொண்டு தென்ஆப்பிரிக்கா அணி விளையாடியது. தொடக்க வீரர்களாக டெம்பா பவுமா- ரீஜா ஹென்ரிக்ஸ் ஜோடி களமிறங்கினர் .
இதில் டெம்பா பவுமா 2 ரன்னில் வெளியேற அடுத்து வந்த வான் டர் டஸ்சன் ,ஹென்ரிக்ஸ் உடன் ஜோடி சேர்ந்தார் .இருவரும் அதிரடியாக விளையாடி அணியை வெற்றிப்பாதைக்கு கொண்டு சென்றனர். இதில் ஹென்ரிக்ஸ் ரன்னில் வெளியேற அடுத்தாக களமிறங்கிய எய்டன் மார்கிராம் அதிரடி ஆட்டத்தை வெளிப்படுத்தினார். இவர் 26 பந்துகளில் 50 ரன்கள் அடித்து விளாச இறுதியாக தென் ஆப்பிரிக்கா அணி 18.2 ஓவரிலேயே 2 விக்கெட் இழப்புக்கு 144 ரன்கள் குவித்து வெற்றி பெற்றது. இதன் மூலம் தென் ஆப்பிரிக்கா அணி 8 விக்கெட் வித்தியாசத்தில் அபார வெற்றி பெற்றுள்ளது.
