துபாய் சமூக ஆர்வலருக்கு முன்னாள் மாணவர் சங்க விருது

துபாய் :

துபாய் சமூக ஆர்வலர் திண்டுக்கல் ஜமால் முஹைதீனுக்கு திருச்சி ஜமால் முஹம்மது கல்லூரி முன்னாள் மாணவர் சங்க விருது வழங்கி கவுரவிக்கப்பட்டார்.

திருச்சி ஜமால் முஹம்மது கல்லூரி ஒவ்வொரு ஆண்டும் சுதந்திர தினத்தன்று ஒவ்வொரு துறையிலும் சிறப்பான சேவை செய்து வரும் முன்னாள் மாணவர்களுக்கு விருது வழங்கி கவுரவிப்பது வழக்கம் ஆகும். துபாயில் உள்ள தனியார் நிறுவனத்தில் விற்பனை மேலாளராக திண்டுக்கல் ஜமால் முஹைதீன் வேலை செய்து வருகிறார்.
சிறந்த நிர்வாகத் திறமை, விபத்து உள்ளிட்ட அவசர சேவைக்கான அரபி மொழி ஆவணங்களை மொழி பெயர்ப்பு செய்து வழங்குவது, ரத்ததான முகாமுக்கான ஏற்பாடு, மருத்துவ முகாம் உள்ளிட்ட பல்வேறு சமூக சேவைகளில் தன்னை ஈடுபடுத்திக் கொண்டார்.

இந்த ஆண்டுக்கான சிறந்த முன்னாள் மாணவருக்கான விருது திண்டுக்கல் ஜமால் முஹைதீன் உள்ளிட்ட பல நாடுகளைச் சேர்ந் த முன்னாள் மாணவர்களுக்கு கல்லூரி செயலாளர் காஜா நஜூமுதீன் காணொலி வழியாக வழங்கினார்.
இந்த விழாவில் கல்லூரி முதல்வர் முனைவர் முஹம்மது இஸ்மாயில் உள்ளிட்ட நிர்வாகக் குழுவினர் பலர் கலந்து கொண்டனர்.

சிறந்த முன்னாள் மாணவர் விருது பெற்ற ஜமால் முஹைதீனுக்கு முன்னாள் மாணவர் சங்க நிர்வாகிகள் ஜாபர் சித்தீக், இசாக் உள்ளிட்ட பலரும் வாழ்த்து தெரிவித்துள்ளனர்.