மீண்டும் சூப்பர் ஸ்டாருக்கு ஜோடியாக நடிக்கும் மீனா… தீயாய் பரவும் தகவல்

நடிகை மீனா மீண்டும் சூப்பர் ஸ்டார் நடிகருக்கு ஜோடியாக நடிக்கவுள்ளதாக தகவல் வெளியாகியுள்ளது.
கிரேட் ஃப்ரீடம் ஃபெஸ்டிவல்- கம்ப்யூட்டர் பாகங்கள் மீதான பிளாக்பஸ்டர் டீல்கள் – 70% வரை தள்ளுபடி
நடிகை மீனா

இந்திய சினிமாவில் குறிப்பிடத் தகுந்த நடிகைகளில் ஒருவர் நடிகை மீனா. தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நூற்றுக்கணக்கான படங்களில் நடித்துள்ளார். குறிப்பாக தமிழ், மலையாளம் மற்றும் தெலுங்கு சினிமாவில் டாப் நடிகர்களுடன் ஜோடியாக நடித்துள்ளார்.

சமீபத்தில் நடிகை மீனா தனது கணவரை பறிகொடுத்தார். நுரையீரல் தொற்றால் பாதிக்கப்பட்டிருந்த நடிகை மீனாவின் கணவர் வித்யாசாகர் கடந்த ஜூன் மாதம் 28 ஆம் தேதி சிகிச்சை பலனின்றி மரணமடைந்தார். 45 வயதே ஆன வித்யாசாகரின் மரணம் ஒட்டு மொத்த திரையுலகையும் அதிர்ச்சியில் ஆழ்த்தியது.

கணவரின் மரணத்திற்கு பிறகு நடிகை மீனா தற்போதுதான் மெல்ல இயல்பு நிலைக்கு திரும்பி வருகிறார். இந்நிலையில் நடிகை மீனாவின் அடுத்தப்படம் குறித்த தகவல் ஒன்று இணையத்தில் பரவி வருகிறது. அதாவது நடிகை மீனா அடுத்ததாக மலையாள சூப்பர் ஸ்டார் நடிகர் மோகன் லாலுடன் இணைந்து நடிக்கவுள்ளதாக கூறப்படுகிறது.

ஜீத்து ஜோசப் இயக்கத்தில் மோகன் லால் – மீனா நடிப்பில் வெளியான த்ரிஷ்யம் படத்தின் இரண்டு பாகங்களும் சக்கை போடு போட்டது. இதையடுத்து இப்படத்தின் மூன்றாம் பாகத்தை எடுக்க இயக்குநர் ஜீத்து ஜோசப் முடிவு செய்துள்ளதாக கூறப்படுகிறது. இதற்கான ப்ரி ப்ரடெக்ஷன் பணிகள் தொடங்கியுள்ளதாகவும் கூறப்படுகிறது.

இந்தப் படத்திலும் மோகன் லாலுக்கு ஜோடியாக நடிகை மீனாவை நடிக்க வைக்க படக்குழு திட்டமிட்டுள்ளதாக கூறப்படுகிறது. முதல் இரண்டு பாகங்களிலும் மோகன் லால் – மீனா காம்போவின் நடிப்பு பெரும் பாராட்டை பெற்றது. இந்நிலையில் மூன்றாம் பாகத்திலும் இந்த ஜோடி இணைந்தால் பொருத்தமாக இருக்கும் என படக்குழு விரும்புவதாக கூறப்படுகிறது.