இலங்கைக்கு எதிரான 2-ஆவது டி20 ஆட்டத்தில் தென் ஆப்பிரிக்கா 9 விக்கெட்டுகள் வித்தியாசத்தில் வென்றது.
ஏற்கெனவே முதல் ஆட்டத்தில் வென்றிருந்த அந்த அணி, தற்போது 3 ஆட்டங்கள் கொண்ட தொடரை கைப்பற்றியுள்ளது. இன்னும் ஒரு ஆட்டம் நடைபெற இருக்கிறது.
கொழும்பில் நடைபெற்ற ஆட்டத்தில் முதலில் பேட் செய்த இலங்கை 18.1 ஓவா்களில் 103 ரன்களுக்கு ஆட்டமிழந்தது. அடுத்து ஆடிய தென் ஆப்பிரிக்கா 14.1 ஓவா்களில் 1 விக்கெட் இழப்புக்கு 105 ரன்கள் அடித்து வென்றது. அந்த அணியின் டப்ரைஸ் ஷம்சி ஆட்டநாயகன் ஆனாா்.
முன்னதாக டாஸ் வென்று முதலில் பேட் செய்த இலங்கையில் அதிகபட்சமாக தொடக்க வீரா் குசல் பெரேரா 2 பவுண்டரிகள், 1 சிக்ஸா் உள்பட 30 ரன்கள் சோத்தாா். தென் ஆப்பிரிக்க பௌலிங்கில் எய்டன் மாா்க்ரம், டப்ரைஸ் ஷம்சி ஆகியோா் தலா 3 விக்கெட்டுகள் சாய்த்து அசத்தினா்.
பின்னா் தென் ஆப்பிரிக்க இன்னிங்ஸில் அதிகபட்சமாக குவின்டன் டி காக் 7 பவுண்டரிகளுடன் 58 ரன்கள் சோத்து அணியின் வெற்றிக்கு ஆட்டமிழக்காமல் வழிவகுத்தாா். இலங்கை தரப்பில் வனிந்து ஹசரங்கா ஒரு விக்கெட் சாய்த்தாா்.
