ஐபிஎல் 2021: ஐக்கிய அரபு அமீரகத்தில் அதிக விக்கெட்டுகள் எடுத்த சுழற்பந்து வீச்சாளர்கள்

ஐக்கிய அரபு அமீரகத்தில் நடைபெற்று வரும் ஐபிஎல் 2021 போட்டியில் ஆர்சிபி வீரரான சஹால், அதிக விக்கெட்டுகள் எடுத்த சுழற்பந்து வீச்சாளர் என்கிற பெருமையைப் பெற்றுள்ளார்.

கரோனா சூழல் காரணமாக கடந்த வருட ஐபிஎல் போட்டி, ஐக்கிய அரபு அமீரகத்தில் நடைபெற்றது. பிறகு இந்தியாவில் ஐபிஎல் 2021 போட்டி தொடங்கியது. எனினும் பாதி போட்டி முடிவடைந்த நிலையில் சில வீரர்களுக்கு கரோனா பாதிப்பு ஏற்பட்டதால் போட்டி நிறுத்தி வைக்கப்பட்டது. கரோனா பாதிப்பால் நிறுத்தப்பட்ட ஐபிஎல் 2021 போட்டி, செப்டம்பா் 19-ம் தேதி முதல் ஐக்கிய அரபு அமீரகத்தில் மீண்டும் தொடங்கியது.

இந்நிலையில் இந்தியாவில் ஐபிஎல் 2021 போட்டி நடைபெற்றபோது சுமாராகப் பந்துவீசிய சஹால், ஐக்கிய அரபு அமீரகத்தில் அதிக விக்கெட்டுகள் எடுத்த சுழற்பந்து வீச்சாளர் என்கிற பெருமையைப் பெற்றுள்ளார். இறுதிச்சுற்றில் கேகேஆர் அணியின் நரைன் மேலும் 3 விக்கெட்டுகள் எடுத்தால் சஹாலுக்கு இணையாக விக்கெட்டுகள் எடுத்த வீரர் ஆவார்.

ஐபிஎல் 2021: ஐக்கிய அரபு அமீரகத்தில் அதிக விக்கெட்டுகள் எடுத்த சுழற்பந்து வீச்சாளர்கள் (இறுதிச்சுற்றுக்கு முன்பு)

14 – சஹால்

11 – நரைன்

11 – வருண் சக்ரவர்த்தி

9 – அக்‌ஷர் படேல்

8 – ரஷித் கான், ரவி பிஸ்னோய்