41views
டெஸ்ட் கிரிக்கெட்டில் அதிக விக்கெட்களை வீழ்த்திய இரண்டாவது இந்திய வீரர் என்ற பெருமையை ரவிச்சந்திரன் அஸ்வின் பெற்றுள்ளார்.
இலங்கை – இந்தியா இடையிலான முதல் டெஸ்ட் போட்டி நடைபெற்று வருகிறது. இப்போட்டியில் இந்திய அணி வெற்றியின் விளிம்பில் உள்ளது. இந்நிலையில் இப்போட்டியில் அபாரமாக பந்துவீசி வரும் தமிழகத்தை சேர்ந்த ரவிச்சந்திரன் அஸ்வின் புதிய சாதனையை படைத்துள்ளார்.
அதன்படி 435 விக்கெட்களை மொத்தமாக டெஸ்ட் போட்டிகளில் வீழ்த்தி ஜாம்பவான் கபில் தேவ் (434 விக்கெட்கள்) சாதனையை முறியடித்து டெஸ்ட் போட்டிகளில் அதிக விக்கெட்கள் வீழ்த்திய இந்திய வீரர்கள் பட்டியலில் இரண்டாம் இடத்துக்கு முன்னேறியுள்ளார்.
இப்பட்டியலில் அனில் கும்ப்ளே 619 விக்கெட்களுடன் முதல் இடத்தில் உள்ளது குறிப்பிடத்தக்கது.
