நடிகர் அசோக் செல்வனின் புதிய படம் பற்றிய அறிவிப்பை நடிகர் கமல் வெளியிட்டுள்ளார்
2013-ல் சூது கவ்வும் படத்தில் நடிகராக அறிமுகமானவர், அசோக் செல்வன். கடந்த வருடம் வெளியான ஓ மை கடவுளே பெரிய அளவில் வெற்றி பெற்று அசோக் செல்வனுக்கு அதிகக் கவனத்தை அளித்தது.
அசோக் செல்வன் நடிக்கும் புதிய படம் பற்றிய அறிவிப்பு வெளியாகியுள்ளது. விஷால் வெங்கட் இயக்கும் படத்தில் அசோக் செல்வன், ரேயா, அபி ஹாசன், மணிகண்டன், பிரவீன் ராஜா, ரித்விகா, அஞ்சு குரியன், நாசர், கே.எஸ். ரவிகுமார், பானுபிரியா, அனுபமா குமார் போன்றோர் நடிக்கிறார்கள்.
இப்படத்துக்கு சில நேரங்களில் சில மனிதர்கள் எனத் தலைப்பு வைக்கப்பட்டுள்ளதுது. இப்படம் பற்றிய அறிவிப்பை நடிகர் கமல்ஹாசன் ட்விட்டரில் வெளியிட்டுக் கூறியதாவது:
சில நேரங்களில் சில மனிதர்கள் எனும் புதிய திரைப்படத்தை அறிமுகம் செய்வதில் மகிழ்கிறேன். இத்திரைப்படம் வெற்றி பெற வாழ்த்துகிறேன் என்று தெரிவித்துள்ளார்.
