துபாயில் நடந்த காயிதேமில்லத் பேரவை பொதுக்குழு கூட்டம்

துபாய் :

* தமிழக அரசின் உயரிய விருதான தகைசால் தமிழர் விருதை பெறும் சமுதாய தலைவர் முனீருல் மில்லத் பேராசிரியர் K.M.காதர் மொகிதீன் அவர்களுக்கு ஐக்கிய அரபு அமீரகத்தில் பாராட்டு விழா
* அயலக தமிழர் நல வாரியத்தின் உறுப்பினராக பதிந்து கொள்ளும் வயது வரம்பை 55 லிருந்து 70 வயதாக உயர்த்த கோரிக்கை * சமூக நலப்பணிகளின் துபாய் மண்டல செயலாளராக கீழக்கரை முஹம்மது ராசிக் தேர்வு இனி வருங்காலங்களில் அமீரக காயிதே மில்லத் பேரவையும், பிரவாசி லீக்கும் ஒருங்கிணைந்து சமூக பணிகளை மேற்கொள்ளும்.

தாய்ச்சபை இந்திய யூனியன் முஸ்லிம் லீக் அயலக அமைப்பான அமீரக காயிதே மில்லத் பேரவையின் பொதுக்குழு கூட்டம் பேரவையின் தலைவர் திருப்பனந்தாள் முகம்மது தாஹா அவர்களின் தலைமையில் 13-07- 25 ஞாயிற்றுக்கிழமை அன்று தேரா அன்னபூர்ணா ஹோட்டலில் நடைபெற்றது.

நிகழ்ச்சியின் துவக்கமாக பேரவையின் துபாய் மண்டல துணைச் செயலாளர் லால்பேட்டை கிஃபாயத்துல்லா கிராஅத் ஓதி தொடங்கி வைத்தார். துணைப் பொதுச் செயலாளர் வழுத்தூர் மக்கி பைசல் வரவேற்புரை ஆற்றினார் .  பேரவையின் பொதுச் செயலாளர் இராமநாதபுரம் MSA.பரக்கத் அலி துவக்க உரையாற்றினார்.  பேரவைத் தலைவர் முகமது தாஹா அவர்கள் இனி செய்யப்பட வேண்டிய பணிகளை பற்றியும் துணைத் தலைவர் கீழக்கரை மஹ்ரூப் காகா அவர்கள் சமுதாயப் பணிகளைப் பற்றியும் அதனோடு மார்க்க பணிகளையும் செய்ய வேண்டிய அவசியத்தை எடுத்துரைத்தனர்.

இந்நிகழ்ச்சியினை பேரவையின் துபாய் மண்டல செயலாளர் கீழக்கரை முகம்மது காமில் அவர்கள் தொகுத்து வழங்கினார்கள்.

கீழ்க்கண்ட தீர்மானங்கள் ஒருமனதாக நிறைவேற்றப்பட்டது.

1. சமுதாய தலைவர் முனீருல் மில்லத் பேராசிரியர் KM.காதர் மொகிதீன் அவர்களுக்கு தகைசால் தமிழர் விருது அறிவித்து கௌரவித்த திராவிட மாடல் அரசின் நாயகர் தமிழக முதல்வர் தளபதி மு க ஸ்டாலின் அவர்களுக்கு நன்றி தெரிவிப்பதோடு தேசியத் தலைவருக்கு பேரவையின் சார்பில் வாழ்த்துக்களை தெரிவித்துக் கொள்கிறோம்.
2. தென்னகத்தின் அலிகர் பல்கலைக்கழகம் என்று போற்றப்படக்கூடிய ஜமால் முகம்மது கல்லூரியின் பவள விழாவினை மிகச் சிறப்பாக கொண்டாடிய கல்லூரி நிறுவனத்தாருக்கும் மாணவ, மாணவிகளுக்கும் பேரவையின் சார்பில் வாழ்த்துக்கள் தெரிவித்துக் கொள்கிறோம்.
3. அயலக தமிழர் நல வாரியத்தின் உறுப்பினராக பதிந்து கொள்ளும் வயது தகுதியை 55 லிருந்து 70 வயதாக உயர்த்தி தர தமிழக அரசை இப் பொதுக்குழு கேட்டுக்கொள்கிறது.
4. தேசியத் தலைவர் பேராசிரியர் முனீருல் மில்லத் அவர்களை அமீரகம் அழைத்து சமுதாய நிகழ்ச்சிகளில் பங்கேற்க ஏற்பாடு செய்வது.
5. பேரவையின் உறுப்பினர்கள் சேர்க்கையை விரைவு படுத்துவது.
6. தமிழகத்தில் புதிதாக தேர்ந்தெடுக்கப்பட்ட பிரவாசி லீக் தலைமைக்கு வாழ்த்துக்கள் தெரிவிப்பதோடு அதன் மாநில பிரதிநிதிகளோடு பேரவையின் பிரதிநிதிகள் கலந்துரையாடல் ஏற்பாடு செய்வது.

இந்நிகழ்ச்சியில் மூத்த ஊடகவியலாளர் முதுவை ஹிதாயத் அவர்கள் அமீரக ஊடகத்துறை செயலாளராகவும், சமூக நலப்பணிகளின் துபாய் மண்டல செயலாளராக கீழக்கரை முஹம்மது ராசிக் அவர்கள் மற்றும் துணைச் செயலாளராக அய்யம்பேட்டை தர்வேஷ் , அஜ்மான் மண்டல துணைச் செயலாளரக புளியங்குடி நசீப் ஆகியோர் ஒரு மனதாக தேர்ந்தெடுக்கப்பட்டார்கள்.

சார்ஜா மண்டல செயலாளர் அஞ்சுக்கோட்டை அப்துல் ரசாக் , கொள்கை பரப்பு செயலாளர் கவிஞர் வழுத்தூர் முகைதீன் பாஷா ,ஐடி விங் சீனியர் அட்வைசர் சுல்தான் இப்ராஹிம் , துபாய் மண்டல விழா குழு துணைச் செயலாளர் வேதாளை முகைதீன் ஆலிம் மற்றும் ஹோர்அல் அன்ஸ், அல் முத்தினா பகுதி துணைச் செயலாளர் வன்னாங்குண்டு தைபுல்லா, லால்பேட்டை அஹமதுல்லாஹ் , ஏர்வாடி முஹம்மது முகைதீன், நிர்வாகிகள் முஜிபுர் ரஹ்மான் நிசார் அஹமது முகம்மது ஹனிஃபா, ஆர்கிடெக்ட் முகமது அசாருதீன், ராஜா முஹம்மது, முகமது அலாவுதீன் , கீழக்கரை ரிபாத், சதாத் அலி, ஷாஜித் உள்ளிட்ட நிர்வாகிகள் கலந்து கொண்டு ஆலோசனை வழங்கினார்கள்.

சமீபத்தில் வஃபாத்தாகிவிட்ட பேரவையின் துணைத் தலைவர் கீழக்கரை எஸ் கே எஸ் ஹமீதுர் ரஹ்மான் அவர்களின் தந்தையார் சீனி முஹம்மது தண்டையால் அவர்களின் மக்ஃபிரத்திற்காக துஆச் செய்யப்பட்டது.

பேரவையின் பொருளாளர் லால்பேட்டை முஹம்மது அப்பாஸ் மிஸ்பாஹி அவர்கள் நன்றியுரை ஆற்றினார்.