இப்தார் நிகழ்ச்சி

ஷார்ஜா அல் சஜா தொழிற்பேட்டை பகுதியில் உள்ள அல் நபி இல்யாஸ் பள்ளிவாசலில் இப்தார் நிகழ்ச்சி அமீரக தமிழ் தொழில்முனைவோர் மற்றும் திறனாளர் கூட்டமைப்பின் சார்பில் தொழிலாளர்களுக்காக ஏற்பாடு செய்யப்பட்டிருந்தது.

இந்த நிகழ்ச்சிக்கு கூட்டமைப்பின் தலைவர் டாக்டர் பால் பிரபாகர் தலைமை வகித்தார். அமீரக பிரமுகர் டாக்டர் கபீர், டீபா நிர்வாகிகள் அப்துல்லா, கால்டுவெல், சித்திக், டாக்டர் ஸ்ரீவித்யா, டாக்டர் தீபிகா உள்ளிட்டோர் பங்கேற்றனர். கடந்த ஐந்து ஆண்டுகளாக தொழிலாளர்களுடன் இணைந்த இந்த இப்தார் நிகழ்ச்சி நடத்தப்பட்டு வருவது குறிப்பிடத்தக்கது. ஆயிரத்துக்கும் மேற்பட்ட தொழிலாளர்கள் இதில் பங்கேற்றனர்.