புதிய நீதி புதிய இந்தியா…

ஒரு தேவதை சித்திரவதை செய்யப்பட்டிருக்கிறாள்…
பெரிய மனிதர்கள் தேசம்
கொடிய மிருகங்களின் காடாகி இருக்கிறது…
ஒரு மலரின் முகத்தைச் சிதைத்து இருக்கிறார்கள்…
அவர்கள் முகக்கட்டையையும் கொஞ்சம் பெயர்த்து விடுங்கள் …
தாடை எலும்புகளும் கழுத்தும்
தாறுமாறாக உடைக்கப்பட்டிருக்கிறதாம்..
அவர்களுக்கும் அப்படியே செய்யுங்கள்…
95 டிகிரி கோணத்தில் கால் வளைத்து ஒடித்திருக்கிறார்கள்… அவர்களுக்கும் அப்படியே …
முழுவதுமாக முடியவில்லை என்றால் ஒரு 75 கோணத்திற்காவது ஒடித்து விடுங்கள்…
150 மில்லி விந்தணு கர்ப்ப அறையிலாம் ..
அவர்கள் என்ன
வேண்டா மிருகத்திற்குப் பிறந்த காண்டாமிருகங்களா ?
கொஞ்சம் கொஞ்சமாகக் கொன்றிருக்கிறார்கள்…
ஆசை தீரத்தீரத்
தின்றிருக்கிறார்கள்..
கொன்ற பிறகும் நிம்மதியாகக் தூங்கி இருக்கிறான்கள்…
இவை அத்தனையும் அவர்களுக்கும் செய்து
தூங்க விடுங்கள்…
140 கோடிப் பேரில் சிலருக்கு விபத்து என்று ஊடகங்கள் எழுதட்டும்…
சில வல்லரக்கர்களுக்கு வழங்கப்பட்ட வித்தியாச தண்டனை என்று
விவாதங்கள் நடக்கட்டும் …
சரியா முறையா என்று சண்டைகள் போடட்டும் …
இடது, வலது சாரிகளும் சோளிகளும்
இங்கிதம் இல்லாமலே
இடறிக் கொள்ளட்டும்…
பொதுமக்கள் மத்தியில் அவர்களுக்கான பொதுத் தண்டனைகள் அரங்கேறட்டும்…
அந்தரங்க அறையில் ஓர் அப்பாவிப் பெண்ணை
கதறக் கதறக் கொன்றவர்களின் கதறல் பொது வெளியெங்கும் கேட்கட்டும்…
புதிய இந்தியா
புரட்சிப் பாதையில் என்று பத்திரிகைகள் எழுதட்டும்…
எங்கேனும் ஒரு மூலையில் உறங்கும் ஒரு மிருகம் இனிமேல் பொதுவெளியில் வாராமலே போகட்டும்…
இவர்களுக்கான தண்டனையாவது வெட்ட வெளிச்சத்துக்கு வரட்டும்…
உடனே நடக்கட்டும்…
இத்தனைக் கோடிப் பேரில் இந்தக் கொடு மிருகங்களுக்கான தண்டனை பொது வெளியிலேயே அரங்கேறட்டும் …
மனிதாபிமானம் இல்லாதவருக்கு மனிதாபிமானம் காட்ட வேண்டியது இல்லை என்று எல்லா நீதிமன்றங்களும் ஒருமித்து தீர்ப்பு எழுதட்டும்…
இந்தியாவின் பகிரங்க நீதி இப்படி கிடைக்கட்டும்…
நாளை உங்கள் மகளோ பேத்தியோ பயம் இல்லாமல் கல்லூரிக்குச் சென்று வரட்டும்

அத்தாவுல்லா, நாகர்கோவில்.