காட்பாடி அருகே பிறந்த நாளில் வாகன விபத்தில் உயிரிழந்த வேலூர் கல்லூரி மாணவர் !

வேலூர் தோட்டப் பாளையம் சாரதி நகர் செந்தில்குமாரின் மகன் சஞ்சய் (20). இவர் ஆற்காட்டில் உள்ள கல்லூரியில் பட்ட படிப்பில் இறுதியாண்டு படித்து வந்தார்.  தன்னுடைய பிறந்தநாளை நண்பர்களுடன் (பிரம்மபுரம்) கொண்டாட ரங்கா புரத்திலிருந்து புதியதாக கட்டப்பட்டு வரும் பாலத்தின் ஓரத்தில் இரவில் பைக்கில் வரும் போது அங்குள்ள பள்ளத்தில் பைக்குடன் தடுமாறி விழுந்து பலத்த காயம் அடைந்து சம்பவ இடத்தில் உயரிழந்து உள்ளார்.  இது குறித்து காட்பாடி காவல் துறையினர் வழக்கு பதிவு செய்து விசாரணை செய்து வருகின்றனர்.  மாணவர் உயிரிழந்தது குடும்பம் மற்றும் நண்பர்களுக்கு இடையே மிகுந்த சோகத்தை ஏற்படுத்தி உள்ளது.

செய்தியாளர்: வேலூர் கே.எம்.வாரியார்