பாம்புகள் குறித்த விழிப்புணர்வு நிகழ்ச்சி

சிவகங்கை மாவட்டம், இளையான்குடி, டாக்டர் சாகிர் உசேன் கல்லூரி இயற்கை கழகம் மற்றும் உள் தர உறுதி அமைப்பு இணைந்து 03.10.2024 அன்று பாம்புகள் குறித்த விழிப்புணர்வு நிகழ்ச்சி நடைபெற்றது. கல்லூரி துணைமுதல்வர் முஸ்தாக் அகமது கான் வரவேற்றார். கல்லூரி முதல்வர் ஜபருல்லாகான் தலைமையுரையாற்றினார். கல்லூரி இயற்கை கழக ஒருங்கிணைப்பாளர் ரோஷன் ஆரா பேகம் சிறப்பு விருந்தினரை அறிமுகம் செய்தார்.

சிறப்பு விருந்தினராக உதகமண்டலம், வன உயிரினங்கள் மற்றும் இயற்கை பாதுகாப்பு நிறுவனம், ஒருங்கிணைப்பாளர் சிராஜுதீன் கலந்துகொண்டு பாம்புகளின் வகைகளை கண்டறிதல், பாம்பு கடித்தால் செய்ய வேண்டிய மற்றும் செய்யக்கூடாத விஷயங்கள் மற்றும் முதலுதவி முறைகள் குறித்தும் பேசினார். இறுதியாக இயற்கை கழக இணை ஒருங்கிணைப்பாளர் காஜா முஹைதீன் நன்றி கூறினார்.