தமிழகத்தின் முன்னாள் முதல்வர் கலைஞர் மு.கருணாநிதியின் நூற்றாண்டு நினைவு நாணயம் வெளியீட்டு விழா
122views
தமிழகத்தின் முன்னாள் முதல்வர் கலைஞர் மு.கருணாநிதியின் நூற்றாண்டு நினைவேந்தல் நிகழ்வின் பகுதியாக, மக்கள் நெஞ்சில் நிறைந்திருக்கும் முத்தமிழறிஞர் கலைஞர் நூற்றாண்டு நினைவு நாணயம் வெளியீட்டு விழாவில், இந்திய மத்திய பாதுகாப்பு அமைச்சர் திரு. ராஜ்நாத் சிங் நாணயத்தை வெளியிட மாண்புமிகு தமிழக முதலமைச்சர் திரு. மு.க.ஸ்டாலின் அவர்கள் 18 ஆகஸ்ட் 2024 அன்று சென்னை கலைவாணர் அரங்கில் பெற்றுக் கொண்டார்.
அதில் ஒரு நாணயத்தை, திமுக செயல் உறுப்பினர்களான ஷஃபீக் மற்றும் டேவிட் ஆகியோர் பஹ்ரைனுக்கு கொண்டு வந்து, பிரபல சமூக ஆர்வலரும், பஹ்ரைன் மீடியா சிட்டி தலைவர் பிரான்சிஸ் கைதாரத்தின் பார்வைக்காக பஹ்ரைன் மீடியா சிட்டிக்கு கொண்டு வந்தனர். சமூக சேவகர்களான சையத் ஹனீஃப், பி.வி.மாத்துகுட்டி மற்றும் ஷர்புதீன் ஆகியோரும் நாணயத்தை பார்வையிட்டனர்.
