தமிழகம்

தென்மேற்கு பருவக்காற்று மற்றும் வெப்பச்சலனம் காரணமாககோவை, நீலகிரி, தேனி, திண்டுக்கல், தென்காசி மாவட்டங்கள், வட மாவட்டங்கள், புதுச்சேரி, காரைக்கால் ஆகிய பகுதிகளில் இன்று ஓரிரு இடங்களில் இடிமின்னலுடன்கூடிய லேசானது முதல் மிதமான மழை பெய்யும் என்று சென்னை வானிலை ஆய்வு மையம் தெரிவித்துள்ளது. இதுகுறித்து சென்னை வானிலை ஆய்வு மைய இயக்குநர் நா.புவியரசன் நேற்று வெளியிட்ட அறிக்கை: தென்மேற்கு பருவக்காற்று மற்றும் வெப்பச்சலனம் காரணமாகமேற்குத் தொடர்ச்சி மலையையொட்டிய கோவை, நீலகிரி, தேனி, திண்டுக்கல், தென்காசி மாவட்டங்கள், வட மாவட்டங்கள், புதுச்சேரி, காரைக்கால் ஆகிய பகுதிகளில் 28-ம் தேதி (இன்று) ஓரிரு இடங்களில் இடிமின்னலுடன் கூடிய லேசானது முதல் மிதமான மழை பெய்யும். 29-ம் தேதி முதல் 31-ம் தேதி வரை கோவை, நீலகிரி மாவட்டங்கள், கடலோர மாவட்டங்கள், அதையொட்டிய உள் மாவட்டங்கள், புதுச்சேரி, காரைக்கால் ஆகிய பகுதிகளில்...

முதலமைச்சர்‌ மு.க.ஸ்டாலின்‌ தலைமையில்‌ நேற்று தலைமைச்‌ செயலகத்தில்‌, போக்குவரத்துத்துறை மூலம்‌ மேற்கொள்ளப்படும்‌ பல்வேறு திட்டப்பணிகளின்‌ முன்னேற்றம்‌ குறித்தும்‌, அடுத்த 10 ஆண்டுகளில்‌ செயல்படுத்த உத்தேசிக்கப்பட்ட திட்டங்கள்‌ குறித்தும்‌ ஆய்வுக்‌ கூட்டம்‌ நடைபெற்றது. இந்த ஆய்வுக்‌ கூட்டத்தில்‌, போக்குவரத்துத்‌ துறையின்‌ செயல்பாடுகள்‌ மற்றும்‌ போக்குவரத்துக்‌ கழகங்களின்‌ சேவைகள்‌ குறித்தும்‌, போக்குவரத்துத்துறை அலகுகளின்‌ செயல்பாடுகள்‌, குறிப்பாக 8 தமிழ்நாடு அரசுப்‌ போக்குவரத்துக்‌ கழகங்களின்‌ செயல்பாடுகள்‌ குறித்தும்‌ ஆய்வு செய்த முதலமைச்சர்‌, அரசுப்‌ பேருந்துகளின்‌ பராமரிப்பினை மேம்படுத்திடவும்‌, தடங்களை மறுஆய்வு செய்து, பொதுமக்கள்‌ பயன்பெறும்‌ வகையில்‌ பேருந்து சேவை மற்றும்‌ வசதியினை மேம்படுத்திட வேண்டும்‌ என்றும்‌ அறிவுறுத்தினார்‌. பொதுப்‌ பேருந்து போக்குவரத்து அமைப்பு, பேருந்து சேவைகள்‌, போக்குவரத்துக்‌ கழகங்களுக்கு புதிய பேருந்துகள்‌ ஒதுக்கீடு செய்வது, கட்டமைப்பு வசதிகளை மேம்படுத்துவது, போக்குவரத்துக்‌ கழகங்களின்‌ நிதிநிலை செயல்பாட்டுத்‌ திறன்‌, நடைமுறைப்படுத்த வேண்டிய புதிய திட்டங்கள்‌...

பா.ஜ.வை பகைத்து கொள்ளாமல் அரசியல் செய்ய தி.மு.க. விரும்புகிறது என்று நாம் தமிழர் கட்சியின் தலைமை ஒருங்கிணைப்பாளர் சீமான் விமர்சித்துள்ளார். இது தொடர்பாக அவர் வெளியிட்டுள்ள அறிக்கையில், பா.ஜ.வை முதன்மை எதிரியாக கட்டமைத்து அக்கட்சிக்கு எதிராக பிரசாரம் செய்து தி.மு.க. ஆட்சிக்கு வந்துள்ளது. ஆனால் தற்போது பா.ஜ. செல்கிற பாதையில் செல்வதும் அக்கட்சியுடன் மென்மையான போக்கை தி.மு.க. கடைப்பிடிப்பதும் ஏமாற்றத்தை தந்திருக்கிறது. பா.ஜ.வை வலிமை கொண்டு எதிர்த்து அரசியல் செய்யாமல் பா.ஜ. செய்யும் அரசியலுக்குள் கரைந்து போகும் தி.மு.க.வின் செயல்பாடுகள் பிழைப்பு வாதமாக உள்ளது. இந்திய அரசியல் அமைப்பு சாசனத்தில் கூறப்பட்ட ஒன்றியம் என்ற சொல்லை பயன்படுத்தியதைத் தாண்டி தி . மு . க . அரசு பா . ஜ . வை எதிர்த்து வீரியமாயச் செய்த அரசியல் என்ன என்று கேள்வி எழுப்பியுள்ளார்....

தமிழக அரசின் திரு.வி.க. விருது பெற்ற மூத்த தமிழறிஞரான முதுமுனைவர் இரா.இளங்குமரனார் நேற்று (ஜூலை 25) இரவு காலமானார். அவருக்கு வயது 94. இறுதி நிகழ்ச்சிகள் இன்று மாலை (ஜூலை 26) 4 மணிக்கு மதுரை திருநகர் இராமன் தெருவில் உள்ள அவரது இல்லத்தில் நடைபெறுகிறது. அதைத் தொடர்ந்து, உடல் நல்லடக்கம் நடைபெறும். மறைந்த தமிழறிஞர் இரா.இளங்குமரனாருக்கு இளங்கோவன், பாரதி ஆகிய 2 மகன்களும், இரு மகள்களும் உள்ளனர். பேத்தி முத்தரசி ஐபிஎஸ் அதிகாரியாகப் பணிறாற்றுகிறார். வாழ்க்கை குறிப்பு முதுமுனைவர் இரா.இளங்குமரனார் 30.1.1927-ல் நெல்லை மாவட்டம் வாழவந்தாள்புரம் கிராமத்தில் பிறந்தவர். தந்தை படிக்கராமு, தாயார் பெயர் வாழவந்தஅம்மை. இளம் வயதிலேயே சொந்தமாக பாடல் இயற்றும் அளவுக்கு தமிழ் ஆர்வமும், புலமைத்திறனும் பெற்ற இவருக்கு 19 வயதிலேயே (4.8.1946) சங்கரன்கோவில் அருகில் உள்ள கரிவலம்வந்தநல்லூர் பள்ளியில் தமிழாசிரியர் பணி...

பொதுவிநியோகத் திட்டத்தின் கீழ் வழங்குவதற்காக தெலங்கானா மாநிலத்தில் இருந்து ரயில் மூலம் நெல்லைக்கு 2600 டன் ரேஷன் அரிசி வந்து சேர்ந்தது. கொரோனா ஊரடங்கால் பாதிக்கப்பட்ட மக்களுக்கு ரேஷன் அரிசி கூடுதலாக வழங்கப்பட்டு வருகிறது. இதற்காக ஒன்றிய தொகுப்பில் இருந்து ரேஷன் அரிசி மூடைகள் டன் கணக்கில் வாரம்தோறும் அனுப்பி வைக்கப்பட்டு வருகின்றன. அந்தவகையில் தெலுங்கானா மாநிலம் திட்டப்பள்ளி என்னும் இடத்தில் இருந்து ரயில் மூலம் அனுப்பிவைக்கப்பட்ட 2,600 டன் அரிசி மூடைகள் நெல்லை சந்திப்பு ரயில் நிலையத்திற்கு வந்து சேர்ந்தன. மொத்தம் 42 ரயில் பெட்டிகளில் 52, 917 மூடைகளில் வந்த ரேஷன் அரிசியை ரயிலில் இருந்து இறக்கிய தொழிலாளர்கள் பின்னர் லாரிகளில் ஏற்றி நெல்லைபுரம் நுகர்பொருள் சேமிப்பு கிட்டங்கி நிறுவனத்திற்கு அனுப்பிவைத்தனர். பின்னர் இவை அங்கிருந்து நெல்லை, தென்காசி மாவட்டங்களில் உள்ள ரேஷன் கடைகளுக்கு...

தமிழகத்தில் வரும் டிசம்பர் மாதத்துக்குள் நகர்ப்புற உள்ளாட்சித் தேர்தல் நடத்தப்படும் என அமைச்சர் கே.என்.நேரு தெரிவித்தார். தூத்துக்குடியில் நடந்து வரும் ஸ்மார்ட் சிட்டி திட்டப் பணிகளை தமிழக ஊரக வளர்ச்சித் துறை மற்றும் நகர்ப்புற வளர்ச்சித்துறை அமைச்சர் கே.என்.நேரு இன்று ஆய்வு செய்தார். தூத்துக்குடி மீளவிட்டான் பகுதியில் 132 ஏக்கர் பரப்பளவில் உள்ள சி.வ.குளம் ரூ.11.50 கோடி மதிப்பீட்டில் தூர்வாரி ஆழப்படுத்தி, கரைகளைப் பலப்படுத்தும் பணிகளை அமைச்சர் கே.என்.நேரு பார்வையிட்டு ஆய்வு செய்தார். தொடர்ந்து, ஸ்மார்ட் சிட்டி திட்டத்தில் ரூ.53.40 கோடி மதிப்பில் பழைய பேருந்து நிலையத்தில் நடந்து வரும் மேம்பாட்டுப் பணிகளையும் ஆய்வு செய்து பணிகள் நிறைவு பெறும் காலம் குறித்து அதிகாரிகளுடன் கேட்டறிந்தார். இதனையடுத்து, அமைச்சர் கே.என்.நேரு செய்தியாளர்களிடம் கூறும்போது, "தூத்துக்குடி மாநகரில் நடந்து வரும் ஸ்மார்ட் சிட்டி பணிகளை ஆய்வு செய்தோம். உள்ளாட்சித்...

தமிழகத்தில் 5 வயதிற்கு உட்பட்ட குழந்தைகளுக்கு நிமோனியா, மூளைக்காய்ச்சல் ஏற்படாமல் தடுக்கும் வகையில் நியூமோகோக்கல் தடுப்பூசி இலவசமாக போடும் திட்டம் தொடங்கப்பட்டுள்ளதாக மருத்துவத்துறை அமைச்சர் மா.சுப்ரமணியன் கூறியுள்ளார். சென்னை எழும்பூர் குழந்தைகள் நல மருத்துவமனை மற்றும் ஆராய்ச்சி நிலையத்தில் நியூமோகோக்கல் நிமோனியா மற்றும் மூளைக் காய்ச்சல் நோய்களிலிருந்து குழந்தைகளை காப்பதற்கான நியூமோகோக்கல் கான்ஜூகேட் தடுப்பூசி செலுத்துவதை மக்கள் நல்வாழ்வுத்துறை அமைச்சர் மா.சுப்பிரமணியன் தொடங்கி வைத்தார். செய்தியாளர்களிடம் பேசிய அமைச்சர் மா.சுப்ரமணியன், இந்தியாவில் 5 வயதிற்கு உட்பட்ட குழந்தைகளுக்கு நிமோனியா, மூளைக்காய்ச்சல் போன்ற பல்வேறு நோய்கள் ஏற்படுகிறது. இதனால் 12 லட்சம் குழந்தைகள் பாதிப்புக்குள்ளாகி பலியாகின்றனர். தேசிய தடுப்பூசி திட்டத்தின் கீழ் இந்தியாவின் பல்வேறு மாநிலங்களில் அதற்கான தடுப்பூசியாக நியூமோகோக்கல் தடுப்பூசி போடப்பட்டு வருகிறது. தமிழகத்தில் தடுப்பூசிகள் போடும் பணியினை திருவள்ளூர் மாவட்டத்தில் தொடங்கி வைத்தோம். தினந்தோறும் எழும்பூர்...

சட்டப்பேரவைத் தேர்தலில் அதிமுக ஒருங்கிணைப்பாளர் ஓ.பன்னீர்செல்வம் அடைந்த வெற்றி செல்லாது என அறிவிக்கக்கோரி சென்னை உயர்நீதிமன்றத்தில் தேர்தல் வழக்கு தொடரப்பட்டுள்ளது. கடந்த ஏப்ரல் மாதம் நடந்த சட்டப்பேரவைத் தேர்தலில் அதிமுக ஒருங்கிணைப்பாளர் ஓ.பன்னீர்செல்வம், தேனி மாவட்டம் போடிநாயக்கனூர் தொகுதியில் போட்டியிட்டு வெற்றி பெற்றார். அவரது வெற்றியை செல்லாதென அறிவிக்கக்கோரி, போடிநாயக்கனூர் தொகுதியைச் சேர்ந்த வாக்காளரான மிலானி என்பவர், தேர்தல் வழக்கு தொடர்ந்துள்ளார். இந்த வழக்கு ஓரிரு நாட்களில் விசாரணைக்கு வர வாய்ப்புள்ளது. இதே மனுதாரர், ஏற்கெனவே தேனி மக்களவைத் தொகுதியில் அதிமுக வேட்பாளர் ரவீந்திரநாத் குமார் பெற்ற வெற்றியை செல்லாது என அறிவிக்கக்கோரி தொடர்ந்த வழக்கு நிலுவையில் உள்ளது குறிப்பிடத்தக்கது....

தூத்துக்குடி ஸ்டெர்லைட் ஆக்சிஜன் உற்பத்தி நிலையத்தில் இருந்து மருத்துவ பயன்பாட்டுக் கான ஆக்சிஜன் விநியோகம் 2,000 மெட்ரிக் டன் என்ற அளவை நேற்று கடந்தது. இதுவரை 2,006 மெட்ரிக் டன் திரவ ஆக்சிஜன் 32 மாவட்டங்களுக்கு அனுப்பி வைக்கப்பட்டுள்ளது. நாட்டில் கரோனா தொற்றின் 2-வது அலையின் தாக்கம் உச்சத் தில் இருந்தபோது மருத்துவ ஆக்சிஜன் தேவை பல மடங்கு அதிகரித்தது. உச்ச நீதிமன்ற உத்தரவின் பேரில் தூத்துக்குடி ஸ்டெர்லைட் தாமிர ஆலை வளாகத்தில் உள்ள ஆக்சிஜன் உற்பத்தி நிலையத்தை திறக்க தமிழக அரசு அனுமதி அளித்தது. அங்கு, மே 13-ம் தேதி மருத்துவ பயன்பாட்டுக்கான திரவ ஆக்சிஜன் உற்பத்தி தொடங்கியது. முதலில் தென் மாவட்டங்களில் உள்ள மருத்துவமனைகளுக்கு மட்டுமே வழங்கப்பட்டது. தற்போது, தமிழகம் முழுவதும் 32 மாவட்டங்களுக்கு தொடர்ந்து அனுப்பி வைக்கப்படுகிறது. ஸ்டெர்லைட் ஆலையில் இருந்து ஆக்சிஜன்...

தமிழகத்தில் +2 மாணவர்கள் இன்று முதல் தங்களது மதிப்பெண் சான்றிதழ்களை இணையதளத்தில் பதிவிறக்கம் செய்து கொள்ளலாம். தமிழகத்தில் கரோனா தொற்று காரணமாக 12ஆம் வகுப்பு தோவு ரத்து செய்யப்பட்டதை அடுத்து, அனைத்து மாணவா்களும் தோச்சி அடைந்ததாக அறிவிக்கப்பட்டது. இந்நிலையில், மாணவா்களுக்கான மதிப்பெண் பட்டியல் திங்கள்கிழமை வெளியிடப்பட்டது. இந்நிலையில், வியாழக்கிழமை காலை 11 மணி முதல் மாணவா்கள் தங்களது மதிப்பெண் பட்டியலை http://www.dge.tn.gov.in, http://www.dge.tn.nic.in ஆகிய இணையதளங்களில் பதிவிறக்கம் செய்துகொள்ளலாம் எனக்கூறி அதற்கான இணையதள பக்கத்தை பள்ளிக்கல்வித்துறை வெளியிட்டுள்ளது. இந்த மதிப்பெண்களில் திருப்தி இல்லாத மாணவா்களும், தனித் தோவா்களும் இணையதளத்தில் விண்ணப்பித்து மீண்டும் தோவெழுத அரசு அனுமதித்துள்ளது. இவர்களுக்கான தேர்வு செப்டம்பா் அல்லது அக்டோபா் மாதத்தில் நடத்தப்படும். +2 மதிப்பெண் பட்டியல் வெளியானதைத் தொடர்ந்து பத்தாம் வகுப்பு மதிப்பெண் விவரங்களும் விரைவில் வெளியாகும் என எதிர்பார்க்கப்படுகிறது.  ...