102views
காங்கிரஸ் தலைவர் ராகுல் காந்தி எம்பி பதவியிலிருந்து தகுதி நீக்கம் செய்யப்பட்ட விவகாரம் நாடு முழுவதும் அதிர்வலைகளை ஏற்படுத்தியுள்ளது. பிரதமர் மோடி தொடர்பான பேச்சுக்காக ராகுல் காந்தி மீது தொடரப்பட்ட அவதூறு வழக்கில் ராகுல் காந்திக்கு 2 ஆண்டு சிறை தண்டனை விதிக்கப்பட்டு நிறுத்தி வைக்கப்பட்டுள்ளது. ராகுல் காந்தி எம்பி பதவியில் இருந்து தகுதி நீக்கம் செய்யப்பட்டார். 2 ஆண்டு சிறை தண்டனை பெற்றதால் மக்கள் பிரதிநிதித்துவ சட்டத்தின் கீழ் ராகுல் காந்தி எம்பி தகுதி நீக்கம் செய்யப்பட்டார். ராகுல் வெற்றி பெற்ற கேரளாவின் வயநாடு தொகுதி காலியானதாகவும் அறிவிக்கப்பட்டது.
இந்நிலையில் ராகுல் காந்தி பதவி நீக்கம் செய்யப்பட்டதை கண்டித்தும், பாஜகவின் சர்வாதிகார போக்கு மற்றும் மோடி அரசை கண்டித்தும் காங்கிரஸார் தொடர் போராட்டத்தில் ஈடுபட்டு வருகின்றனர். அந்த வகையில், தென்காசி மாவட்டம் வாசுதேவநல்லூர் பகுதியில் காங்கிரஸ் தலைவர் ராகுல் காந்தி எம்பி பதவியிலிருந்து தகுதி நீக்கம் செய்யப்பட்டதை கண்டித்தும், மோடி அரசை கண்டித்தும் வாசு வட்டார காங்கிரஸ் தலைவரும், ராமநாதபுரம் ஊராட்சி மன்ற தலைவருமான வழக்கறிஞர் மகேந்திரா தலைமையில் காங்கிரசார் கண்டன ஆர்ப்பாட்டத்தில் ஈடுபட்டனர்.
