தமிழ்நாடு முதலமைச்சர் தலைமையில் இன்று தமிழக அமைச்சரவைக் கூட்டம்!! முக்கிய அறிவிப்புகள் வெளிவர வாய்ப்பு!!

முனைவர் என்.பத்ரி

தமிழ்நாடு முதலமைச்சர் மு.க.ஸ்டாலின் தலைமையில் இன்று தமிழக அமைச்சரவைக் கூட்டம் இன்று நடக்கிறது. தமிழ்நாட்டில் பரபரப்பான அரசியல் சூழ்நிலை நீடித்து வருகிறது.இந்நிலையில், இன்று நடைபெறும் அமைச்சரவை கூட்டம் அனைவரின் கவனத்தையும் ஈர்த்துள்ளது. சட்டசபை தேர்தல் நெருங்கி வரும் சூழலில் இந்த கூட்டம் நடைபெறுவதால், இதன் முக்கியத்துவம் மேலும் அதிகரித்துள்ளது.

வருகிற ஜனவரி 20-ந்தேதி இந்த ஆண்டிற்கான தமிழக சட்டசபை கூட்டத் தொடர் தொடங்குகிறது. முதல் நாளில் ஆளுநர் ஆர்.என். ரவி, தமிழக அரசின் சாதனைகள் மற்றும் திட்டங்களை விளக்கும் உரையை வாசிக்கவிருக்கிறார். வழக்கமாக சட்டசபை கூட்டம் தொடங்குவதற்கு முன், அரசு எடுக்க இருக்கும் முடிவுகளைப் பற்றி அமைச்சரவையில் விவாதிப்பது நடைமுறையாக உள்ளது. அதன்படி, இன்று காலை 11 மணிக்கு, சென்னை தலைமைச் செயலகத்தில் முதலமைச்சர் மு.க. ஸ்டாலின் தலைமையில் அமைச்சரவை கூட்டம் நடைபெறுகிறது. இந்த ஆண்டில் நடைபெறும் முதலாவது அமைச்சரவை கூட்டமாக இருப்பதால், அனைத்து அமைச்சர்களும் இதில் பங்கேற்கின்றனர். இந்தக் கூட்டத்தில் சமீபத்தில் அரசு அறிவித்த உறுதியளிக்கப்பட்ட ஓய்வூதியத் திட்டத்திற்கு (OPS) மாநில அரசின் அதிகாரப்பூர்வ அனுமதி வழங்கப்படும் என்று தெரிவிகிறது.

அதேபோல், சட்டசபையில் தாக்கல் செய்யப்பட உள்ள இடைக்கால பட்ஜெட்டில், இந்த திட்டத்திற்கான நிதி ஒதுக்கீடு செய்வது குறித்தும் விரிவான ஆலோசனைகள் நடைபெற வாய்ப்புகள் உள்ளன.

மேலும், தற்போது போராட்டத்தில் ஈடுபட்டு வரும் தூய்மைப் பணியாளர்கள் மற்றும் பிற ஊழியர் பிரிவுகளின் கோரிக்கைகள் குறித்து அமைச்சரவையில் பேசப்படும் என்று எதிர்பார்க்கப்படுகிறது. அவர்களின் பிரச்சினைகளுக்கான சாத்தியமானதீர்வுகள் குறித்தும்இந்த கூட்டத்தில் விவாதிக்க வாய்ப்புகள் உள்ளன.

முக்கியமாக, சட்டசபை தேர்தல் அறிவிப்பு பிப்ரவரி மாத இறுதியில் வெளியாகும் வாய்ப்பு இருப்பதாக கூறப்படும் நிலையில், தேர்தலுக்கு முன் அரசு எடுக்கும் கொள்கை முடிவுகள் மேலும் கவனத்தை ஈர்த்துள்ளன. எனவே, இன்று நடைபெறும் அமைச்சரவை கூட்டம், அரசியல் வட்டாரங்களில் மிக முக்கியமான ஒன்றாகக் கருதப்படுகிறது.