சூறைக் காற்றினால் சரிந்து விழுந்த 40 மீட்டர் சுதந்திர தேவி சிலை!! அதிர்ச்சியில் பிரேசில் மக்கள்!

முனைவர் என்.பத்ரி

பிரேசிலின் குவைபா நகரில் உலகப் புகழ் பெற்ற 114 அடி உயரம் கொண்ட சுதந்திர தேவி சிலை அமைந்துள்ளது. இப்பகுதியில் சமீபத்தில் பலத்த காற்று வீசியதன் காரணமாக இந்த சிலை இடிந்து விழுந்துள்ளது. இச்சம்பவம் இப்பகுதி பொது மக்களிடையே பெரும் அதிர்வலைகளை ஏற்படுத்தியுள்ளது.

பிரேசிலின் ரியோ கிராண்டே டோ சுல் மாநிலத்தில் சமீபத்தில் ஏற்பட்ட புயல் அந்நாட்டின் பல இடங்களில் பேரழிவை ஏற்படுத்தியுள்ளது. இவற்றில் ஒன்றாக குவைபா நகரில் உள்ள ஹவன் சில்லறை விற்பனை கடையின் முன் அமைக்கப்பட்டிருந்த மிகப்பெரிய சுதந்திர தேவி சிலை திடீரென இடிந்து விழுந்தது. பலத்த காற்று வீசியதன் காரணமாகவே இந்த சிலை தரையில் விழுந்ததாக கூறப்படுகிறது.சிலை கீழே விழுந்த காட்சியின் காணொளிகள் காண்போரை அதிர்ச்சியடைய செய்துள்ளது.

இந்த சிலை 1990-களின் முற்பகுதியில் நிறுவப்பட்டதாகக் கூறப்படுகிறது. இந்நிகழ்வால்,அப்பகுதியில் குழப்பம் ஏற்பட்டுள்ளது. இந்தப் சிலை பிரேசில் முழுவதும் ஹவான் கடைகளுக்கு வெளியே வைக்கப்பட்டுள்ள பல அழ்கிய கட்டமைப்புகளில் ஒன்றாகும். உள்ளூர் அறிக்கைகளின்படி, தோராயமாக 24 மீட்டர் (78 அடி) அளவிலான மேல் பகுதி மட்டுமே இடிந்துள்ளதாக இதன் நிறுவன அதிகாரிகள் தெரிவித்துள்ளனர், அதே நேரத்தில் 11 மீட்டர் (36 அடி) பீடம் அப்படியே இருக்கிறது.இந்த சிலை இடிந்து விழுந்த சம்பவத்தால் எந்த உயிரிழப்பும் ஏற்படவில்லை என்றும் அதிகாரிகள் தெரிவித்துள்ளனர்.

ஆனால் உலக வரலாற்றில் சிறப்பிடத்தை பெற்றிருந்த இந்த சிலை சேதம் அடைந்திருப்பது சமூக ஆர்வலர்களுக்கு பெருத்த கவலையை அளித்துள்ளது.எனினும்,கீழே விழுந்த சிலையின் சேதமானப் பகுதி விரைவில் சீர்செய்யப்பட்டு பழைய நிலைக்கு கொண்டுவரப்படும் என நம்பப்படுகிறது. மேலும், சிலை சரிந்து விழுந்த சில மணிநேரங்களிலேயே அப்பகுதி அதிகாரிகள் கட்டுப்பாட்டிற்குள் கொண்டு வரப்பட்டு இடிந்த பாகங்களை அகற்றும் பணி மேற்கொள்ளப்பட்டதாகவும் தெரிவிக்கப்பட்டுள்ளது.

சுற்றுப்புறத்தை பாதுகாப்பாக வைத்திருக்கவும் அருகில் கூடுதல் சேதங்கள் உள்ளதா என்பதை சரிபார்க்கவும், உள்ளூர் குழுக்கள் மாநில குடிமை பாதுகாப்புத் துறை அதிகாரிகளுடன் இணைந்து பணியாற்றுவார்கள் என்றும் கூறப்படுகிறது.இதற்கிடையில். இந்த சுதந்திர தேவி சிலை சரிந்து விழுந்த வீடியோ சமூக வலைதளத்தில் வைரலாகி வருகிறது.