வேண்டும் விடுதலை

வேண்டும் விடுதலை வேண்டும் விடுதலை
நகர வாழ்க்கையின் கிடுக்கிப் பிடியிலிருந்து
எண்ம வாழ்க்கையின் மாயப் பிடியிலிருந்து
மூச்சை முட்டும் கார்பன் காற்றிலிருந்து
நெருக்கடி கொடுக்கும் பணிச் சுமையிலிருந்து
ஆசை காட்டும் ஆடம்பர வேடத்திலிருந்து
பொய் முகங்களின் போலிச் சிரிப்பிலிருந்து
அனுபவம் தொலைத்த ஏட்டுப் படிப்பிலிருந்து
மனிதம் மறந்த கலவர நெடியிலிருந்து
பணத்தின் பின்னே ஓடும் ஓட்டத்திலிருந்து
கழுத்தை நெரிக்கும் கடன் கயிற்றிலிருந்து
அறிவைத் தொலைத்த மூட நம்பிக்கையிலிருந்து
மூளையை முடமாக்கும் செயற்கை நுண்ணறிவிலிருந்து
வேண்டும் விடுதலை வேண்டும் விடுதலை
வாழ மறந்த இயந்திர வாழ்க்கையிலிருந்து

கவிப்பார்வை