புதுச்சேரி ஆல் இந்தியா புக் ஆப் ரெக்கார்ட்ஸ் நிறுவனம் துபாய் வாழ் முனைவர் ஆ. முகமது முகைதீனுக்கு ‘பிரைட் ஆஃப் இந்தியா’ விருது வழங்கி பாராட்டு

புதுச்சேரி, அக். 27: புதுச்சேரியில் நடைபெற்ற ஆசிரியர் நாள் பல்துறைப் பன்னாட்டுக் கருத்தரங்க உலக சாதனை நிகழ்வில், துபாய் வாழ் தொழிலதிபர், கல்வியாளர், சமூக ஆர்வலர் முனைவர் ஆ. முகமது முகைதீன் அவர்களுக்கு புதுச்சேரி ஆல் இந்தியா புக் ஆப் ரெக்கார்ட்ஸ் நிறுவனம் ‘பிரைட் ஆஃப் இந்தியா’ எனும் விருதினை வழங்கி கவுரவித்தது.

இவ்விழாவில் கலைமாமணி செவாலியர் VG. சந்தோஷம், காந்திகிராம பல்கலைக்கழக துணைவேந்தர் முனைவர் N. பஞ்சநதம், புதுவைத் தமிழ்ச்சங்கத் தலைவர் முனைவர் V. முத்து, சென் நெக்சஸ் குழும இயக்குநர் முனைவர் இரா. கவிதா செந்தில்நாதன் உள்ளிட்ட பல பிரபலங்கள் கலந்து கொண்டனர்.

தொழில், கல்வி, சமூக சேவை என பல்வேறு துறைகளில் சிறப்பான பங்களிப்பை வழங்கி வரும் முனைவர் ஆ. முகமது முகைதீன் அவர்களுக்கு கிடைத்த இந்த விருது, அவரது சேவைகளுக்கு கிடைத்த அங்கீகாரமாகும்.