தி பாய் இன் தி ஸ்ட்ரிப்த் பைஜாமாஸ்

2006ஆம் ஆண்டு ஜான் பாய்ன் எழுதி வெளிவந்த “தி பாய் இன் தி ஸ்ட்ரிப்த் பைஜாமாஸ்” நாவலை அடிப்படையாகக் கொண்டு அந்த நாவலின் பெயரிலேயே மார்க் ஹெர்மனால் இயக்கப்பட்டு 12 செப்டம்பர் 2008ஆம் ஆண்டு வெளியான
ஹிஸ்டாரிகல் ட்ராமா ஜானரில் எடுக்கப்பட்ட திரைப்படம்.

ஹோலோகாஸ்டின் போது 8 வயதே ஆன ஒரு ஜெர்மானிய குழந்தையின் கண்ணோட்டத்தில் நகர்கிறது இந்த திரைபடத்தின் கதை. இதில் இயக்குனர் தெளிவாக குழந்தையின் வெகுளித்தனத்தையும் நட்பையும் சித்தரித்துள்ளார்.

இரண்டாம் உலகப் போரின்போது, 8 வயது புருனோ மற்றும் அவனது குடும்பத்தினர் பெர்லினிலிருந்துமார்க் ஹெர்மன் இடம்பெயர்ந்து பிரோனோவின் அப்பா ரல்ஃப் தளபதியாக (commandant) பதவி உயர்வு பெற்ற கான்செண்ட்டேரேஸன் கேம்ப்பிற்கு அருகாமையில் குடியேருகிறார்கள். அவர்களது வீடு ஊரிலிருந்து வெகு தொலைவில் அமைய்ந்திருப்பதால் அருகாமையில் எந்த வீடுகளும் இல்லை.

விளையாட நண்பர்கள் இல்லாததால், புருனோ மிகவும் தனிமையாகவும் சலிப்பாகவும் உணர்கிறான். தனது வீட்டிற்கு பின்பகுதியில் மிகவும் தொலைவில் அமைத்துள்ள கான்செண்ட்டேரேஸன் கேம்ப்பை பண்ணை என்று நினைத்து கொண்டு வீட்டில் கூற அவர்கள் அவனை பின் தோட்டத்தில் விளையாட தடை விதிகிறார்கள்.

புருனோ மற்றும் அவனது சகோதரி கிரெட்டலின் ஆசிரியர் திரு லிஸ்ட், ஆண்டிசெமிட்டிசத்தின் அஜெண்டா மற்றும் நாஜி பிரச்சாரத்தினை அவர்களுக்கு கற்பிக்கின்றனர்.இது லெப்டினன்ட் கர்ட் கோட்லருடனான கிரெட்டலின் மோகத்துடன், மூன்றாம் ரைச்சிற்கு ஆதரவாக, அவளது படுக்கையறை சுவரை சுவரொட்டிகளாலும் அடோல்ஃப் ஹிட்லரின் உருவப்படத்தாலும் மறைக்கும் அளவிற்கு அவளை வெறித்தனமாக்குகிறது.
புருனோவிற்கு தெரிந்த ஒரே யூதர் அவர்களின் வேலைக்காரர் பாவெல்.
லிஸ்ட்டின் போதனைகளில் உள்ள ஆன்டிசெமிடிக் கேலிச்சித்திரங்களை பாவெல் ஒத்திருக்காததால் புருனோ குழப்பம் அடைகிறான்.

ஒரு நாள் புருனோ தன் வீட்டிற்கு பின் அமைத்துள்ள காட்டில் யாருக்கும் தெரியாமல் பதுங்கியவாறு கான்செண்ட்ரேஸன் கேம்ப்பை சுற்றியுள்ள முள்வேலிக்கு அருகாமையில் செல்கிறான், அங்கு ஷமுயேல் என்ற பையனுடன் நட்பு கொள்கிறான், முகாமின் உண்மைத் தன்மை தெரியாத புருனோ ஷுமுவேல், பாவெல் மற்றும் பிற கைதிகள் அணிந்திருக்கும் கோடிட்ட சீருடைகளை பைஜாமாக்கள் என்று நினைக்கிறான். மேலும் ஷமுயேல் தனது தாத்தா பாட்டி முகாமிற்கு வரும் வழியில் நோய்வாய்ப்பட்டு இறந்ததாக நம்புகிறான். புருனோ மற்றும் ஷமுயேலின் நட்பு வளர்கிறது அவர்கள் இருவரும் தொடர்ந்து சந்திக்கின்றார்கள்.
புருனோ தனது வீட்டிலிருந்து உணவுப்பொருட்களை யாருக்கும் தெரியாமல் பதுக்கி எடுத்துவந்து ஷமுயேலிற்கு கொடுக்கிறான். ஷமுயேல்
தனது பெற்றோருடன் முகாமுக்கு அழைத்து வரப்பட்ட யூதன் என புருனோ அறிந்து கொள்கிறான்.

புருனோவின் தாயார் எல்சா ரல்ஃபின் பணி மற்றும் கான்செண்ட்டேரேஸன் கேம்ப்பிலிருந்து வரும் கருப்பு புகை யூதர்களை எரிப்பதன் மூலம் வருகிறது என கோட்லரின் உளரல்கள் மூலம் அறிந்து கொள்கிறார். அன்று இரவு உணவில், கோட்லர் தனது தந்தை தனது குடும்பத்தை விட்டு சுவிட்சர்லாந்திற்கு சென்றதாக ஒப்புக்கொள்கிறார். தற்போதைய அரசியல் ஆட்சியுடன் தனது தந்தையின் கருத்து வேறுபாடு குறித்து அதிகாரிகளுக்குத் தெரிவித்திருக்க வேண்டும் என்று ரால்ஃப் கோட்லரிடம் கூறுகிறார். அன்றிரவு கோட்லர் தன்மீது ஒரு கிளாஸ் மதுவை கொட்டியதற்காக பாவெலை அடித்து கொன்றான்.

புருனோ தனது வீட்டில் வேலை செய்யும் ஷமுயேலைப் பார்த்து, அவனுக்கு கேக் வழங்கினான், புருனோ மற்றும் ஷமுயேல் பழகுவதை கோட்லர் கண்டு ஷமுயேல் பார்த்து கோபமாக என்ன மெல்கிறாய் என்று கேட்க அதற்கு ஷமுயேல் புருனோ தனக்கு கேக் தந்த தாகவும் அதை உண்கிறேன் என்று கூறினான். புருனோ கோட்லருக்கு பயந்து கொண்டு அதை நான் தரவில்லை என்று மறுக்க கோட்லர்
ஷமுயேலை உன்னிடம் கொஞ்சம் பேச வேண்டும் என்று அழைத்து சென்றான். பின்னர் புருனோ ஷமுயேலிடம் மன்னிப்பு கூறினான் அதற்கு அவன் எதுவும் கூறாமல் சென்றான்.
அதன்பிறகு, புருனோ தனது தந்தையும் மற்ற வீரர்களும் முகாம் கைதிகள் விளையாட்டுகள் விளையாடுவது, கஃபேக்களில் சாப்பாடு சாப்பிடுவது, கச்சேரிகளில் கலந்து கொள்வது போலான போலியான படத்தைப் பார்ப்பதைப் பார்க்கிறான். புருனோ, அது உண்மை என்று நினைத்து, தன் தந்தையைக் கட்டியணைத்து கொண்டான். கோட்லர், தனது தந்தையின் இடம்பெயர்வு குறித்து நாஜி அதிகாரிகளுக்கு தெரிவிக்கத் தவறியதால், முன்னணிக்கு மாற்றப்படுகிறார். புருனோ ஒவ்வொரு நாளும் வேலிக்குத் திரும்புகிறார், இறுதியில், ஷமுயேல் மீண்டும் தோன்றுகிறான்,கோட்லரை பற்றிய “சிறிய அரட்டை” யிலிருந்து ஒரு கருப்பு கண்ணுடன் புருனோ மன்னிப்பு கேட்கிறான், ஷமுயேல் அவனை மன்னிக்கின்றான், அவர்களின் நட்பு தொடர்கிறது.

பெர்லினில் நேச நாட்டு வெடிகுண்டுத் தாக்குதலால் கொல்லப்பட்ட ரால்ஃபின் தாயாரின் இறுதிச் சடங்கிற்குப் பிறகு, ரால்ஃப் புருனோ மற்றும் கிரெட்டலிடம் அவர்களுடைய தாய் எல்சா அவர்களை பாதுகாப்பான இடத்திற்கு வாழ அழைத்துச் செல்கிறார் எனவும் மேலும் அவர்கள் கொலைகார தந்தையுடன் வாழ்வதை அவர்களின் தாய் விரும்பவில்லை என்றும் கூறினார்

ஒரு அணிவகுப்பில் பங்கேற்ற பிறகு ஷமுயேலின் தந்தை காணாமல் போனார், புருனோ அவரைக் கண்டுபிடிக்க ஷமுயேலுக்கு உதவ முடிவு செய்கிறான். ஒரு கைதியின் கோடிட்ட ஆடை மற்றும் அவரது சவரம் செய்யப்படாத தலையை மறைக்க ஒரு தொப்பி அணிந்து கொண்டு புருனோ வேலியின் கீழ் தோண்டி முகாமின் உள்ளே நுழைந்து ஷமுயேலுடன் சென்றான். அங்கு பல நோய்வாய்ப்பட்ட மற்றும் பலவீனமான யூதர்களைக் கண்டு அவன் அதிர்ச்சியடைந்தான். சோண்டர்கொமாண்டோஸால் சிறுவர்கள் மற்ற கைதிகளுடன் அணிவகுத்துச் அழைத்து செல்லப்பட்டனர்.

வீட்டில் இருந்து புருனோ காணாமல் போனதை கிரெட்டலும் எல்சாவும் கண்டுபிடிக்கின்றார்கள் . எல்சா ரால்ஃபிடம் புருனோ காணாமல் போனதை கூறி எச்சரிகின்றார். ரால்ஃபும் அவரது ஆட்களும் புருனோவைத் தேடத் தொடங்குகிறார்கள். கிரெட்டலும் எல்சாவும் அவர்களை பின்தொடர்கின்றார்கள்,
மோப்பநாய் ஒன்று புருனோவின் வாசனையை பின்தொடர்ந்த அவர்களை முகாமின் வேலிக்கு அருகாமையில் அழைத்து செல்கிறது , அங்கு கழட்டி வைக்கப் பட்ட புருனோவின் ஆடையை காண்கின்றனர். ரால்ஃப் பதட்டத்துடன் வேகமாக முகாமிற்குள் நுழைகிறார்.
புருனோ, ஷமுயேல் மற்றும் கைதிகள் ஒரு மாற்று அறைக்கு அழைத்துச் செல்லப்பட்டு, “குளிக்க” தங்கள் ஆடைகளை அகற்றும்படி அதிகாரிகள் கூறினர். அவர்கள் ஒரு எரிவாயு அறைக்குள் அடைக்கப்படுகிறார்கள்.
விளக்குகள் அணைக்கப்படுகிறது.புருனோ மற்றும் ஷமுயேல் தங்கள் கைகளை இறுகப் பற்றிக்கொள்கிறார்கள்.ஷூட்ஸ்டாஃபெல் சிப்பாய்கள் இருண்ட அறைக்குள் ஜைக்ளான்-பி துகள்களை ஊற்றுகிறார்கள், கைதிகள் பீதியடையத் தொடங்குகிறார்கள். ரால்ஃப் வாயுவிடுதல் நடைபெறுவதை உணர்ந்ததும், அவன் தன் மகனின் பெயரைச் சொல்லி மிகவும் சத்தமாய் கதறுகிறார்.வேலியில், எல்சாவும் கிரெட்டலும் அவரது கதறுதளை கேட்டு, முழங்காலில் விழுந்து, விரக்தியில் புலம்புகிறார்கள்.

இயக்குனர் சிறுவர்களை மையமாக வைத்து படத்தை அற்புதமாக முடித்திருப்பார் மற்றும் பார்வையாளர்கள் முக்கிய தருணங்களை உணரும் வகையில் கதையை நகர்த்தி இருகின்றார்.

புருனோ கைதிகளின் உடைகளைப் பைஜாமாக்கள் என்று நினைத்து கொள்வதும் , கோட்லரிடம் தான் கேக் துண்டை ஷமுயேலுக்கு அளிக்கவில்லை என்று கூறுகிற காட்சிகளில் குழந்தைகளுக்கே உரித்தான வெகுளித் தனத்தை கண் முன்னே நிறுத்தி இருக்கின்றார் இயக்குனர்.

பாவெல் கதாபாத்திரம் மூலம் ஹோலோகாஸ்டால் பாதிக்கப்பட்ட மக்களின் துயரங்களை அடையாளப்படுத்தி இருக்கின்றார் இயக்குனர்.

ஹோலோகாஸ்டின் சோகம் இந்த படம் வரை ஒரு ஜெர்மன் குழந்தையின் பார்வையில் இருந்து கற்பனையாக சித்தரிக்கப்படவில்லை. சில கூறுகளின் போரிலிருந்து பாதுகாக்கப்பட்ட ஒரு குழந்தை அந்த சகாப்தத்தில் எப்படி நினைத்திருக்கலாம் என்பதை சித்தரிப்பது இந்தப் படத்தை தனித்துவமாக்குகிறது.

(Line may divide us, but hope will unite us
-The boy in the stripped pyjamas)

• ஹென்றி