அட்லீயிடம் உதவி இயக்குநராக இருந்த ஈநாக் அபில் என்பவர் இயக்கும் வெப் தொடரில் பிக்பாஸ் பிரபலம் கவின் கதாநாயகனாக நடிக்கவுள்ளார்.
விஜய் தொலைக்காட்சியில் ஒளிப்பரப்பான பிக்பாஸ் நிகழ்ச்சியின் மூன்றாவது சீசனில் போட்டியாளராக பங்கெடுத்தவர் கவின். நிகழ்ச்சியின் இறுதிவரை இருந்த கவின், ரூ. 5 லட்சம் பரிசுத் தொகையுடன் வெளியேறினார்.
அதை தொடர்ந்து பல்வேறு சினிமா மற்றும் நிகழ்ச்சிகளில் பங்கேற்று வந்தார். இவர் அடிப்பில் உருவாகியுள்ள ‘லிஃப்ட்’ படம் ரிலீஸுக்கு தயாராகவுள்ளது. நெல்சன் இயக்கத்தில் உருவாகியுள்ள டாக்டர் படத்தில் உதவி இயக்குநராகவும் கவின் பணியாற்றினார்.
இந்நிலையில் அறிமுக இயக்குநர் ஈநாக் அபில் இயக்கும் வெப் தொடரில் கதாநாயகனாக நடிக்கிறார். இந்த தொடரில் கதாநாயகியாக பிகில் படத்தில் நடித்த மோனிகா ஜான் நடிக்கிறார். இதற்கான பூஜை சென்னையில் நடத்தப்பட்டது.
இந்த தொடருக்கான ஒளிப்பதிவு பணிகளை சாந்தகுமார் சக்கரவர்த்தி மேற்கொள்கிறார், குணா பாலசுப்பிரமணியம் இசையமைக்கிறார். கஸ்துபா மீடியா வொர்க்ஸ் நிறுவனம் தயாரிக்கும் இந்த தொடரில் சரத் ரவி, தீபக் பரமேஷ், வின்சா, அபிதா வெங்கட், மேகி உள்ளிட்டோர் முக்கிய கதாபாத்திரங்களில் நடிக்கின்றனர்.
