‘மாப்’ குச்சியில் தேசியக்கொடி: சிரிப்பு நடிகருக்கு சிக்கல்

வீடு துடைக்க பயன்படுத்தும் மாப் குச்சியில் தேசியக்கொடியை கட்டி பறக்க விட்டு, போட்டோ எடுத்து பதிவிட்ட காமெடி நடிகர் சூரி விமர்சனத்திற்குள்ளாகியுள்ளார்.

சுதந்திர தினத்தையொட்டி வீடுகளில் தேசியக்கொடி ஏற்ற வேண்டும் என்ற பிரதமர் மோடி வேண்டுகோளுக்கு இணங்க மக்கள் வீடுகளில் கொடி ஏற்றினர்.

காமெடி நடிகர் சூரி வீட்டில் தேசியக் கொடியை குச்சியில் கட்டி பறக்க விட்டு அருகே நின்று போட்டோ எடுத்து வெளியிட்டார். இதை கவனித்த நெட்டிசன்கள் அவரை திட்டித்தீர்த்து வருகின்றனர்.

ஏனெனில் வீடு துடைக்க பயன்படும் மாப் குச்சியில் தேசியக் கொடியை கட்டி பறக்க விட்டுள்ளார். அவரின் இச்செயலுக்கு பலரும் கண்டனம் தெரிவித்து வருகின்றனர்.